દિલ્હી, મુંબઈ જેવા શહેરોમાં વસ્તી કૂદકેને ભૂસકે વધતી જાય છે. આ સાથે જ અહીં રહેવાનો ખર્ચ પણ વધતો જાય છે. લોકો દિલ્હી-મુંબઈ જેવા શહેરોમાં હજારો રૂપિયા ભાડુ આપીને રહે છે ત્યારે એવા અનેક શહેર છે જે ત્યાં રહેવા માટે તમને પૈસા તો આપે જ છે પણ સાથે ઘર બનાવવા માટે મફતમાં જમીન પણ આપે છે.
આ શહેરોમાં પૈસાની મદદ અને ફ્રી જમીન મેળવવા માટે માત્ર એક જ શરત છે કે તમારે અહીં તમારુ ઘર વસાવવુ પડશે. આ શહેર ભારતમાં નહિ પરંતુ અમેરિકામાં છે. આ પાંચ શહેરો વિષે જાણીને તમને પણ ત્યાં વસવાનુ મન થઈ જશે.
મિશિગનના ડેટ્રોઈટ શહેરમાં અનેક કંપનીઓ ખૂલી છે. તેમની પાસે લેબર ફોર્સની ખૂબ જ અછત છે. આ અછત દૂર કરવા આ કંપની લોકોને રોજગાર તો આપે જ છે પરંતુ સાથે સાથે બીજા પણ અનેક લાભ કરાવી આપે છે. ડેટ્રોઈટમાં વસશો તો કંપની તમને ભાડા પેટે પહેલા વર્ષે 1.60 લાખ રૂપિયા આપશે.
ડેટ્રોઈટમાં બીજા વર્ષથી તમને 60,000 રૂપિયા આપવામાં આવશે. ઘર ખરીદવા માંગો છો તો તમને 10 લાખની ફોરગિવેબલ લોન મળી શકે છે. ઘરના રિનોવેશન માટે તમને 3 લાખ રૂપિયા સુધી મળે છે. આ સુવિધાઓ તમને બ્લુ ક્રોસ બ્લુ શિલ્ડ ઑફ મિશિગન, કંપ્યુવેર, ડીટીઈ એનર્જી સહિત કેટલીક ગણતરીની કંપનીઓમાં મળે છે.
અમેરિકામાં પ્રકૃતિના ખોળામાં વસેલા માર્ક્વેટ અને લિંકન શહેરમાં પણ તમને વસવાનો મોકો છે. અહીની સરકાર શહેરના પશ્ચિમિ વિસ્તારમાં એક આખુ ટાઉન વસાવવા માંગે છે. આ માટે અહીં રહેવા માંગતા લોકોને મફત જમીન આપવામાં આવી રહી છે. આ શહેરમાં નગરપાલિકા તરફથી મફતમાં જમીન પણ આપવામાં આવી રહી છે.
આ શહેરમાં વસવા માટે એક જ શરત છે કે જમીન મળ્યાના એક જ વર્ષની અંદર તમારે ઘર બનાવવુ પડશે. ઘર બની જશે તો ઓછામાં ઓછા એક વર્ષ સુધી તમારે અહીં રહેવુ પડશે.
જો તમે અમેરિકા જઈને ત્યાં નોકરી કરવા ઉપરાંત ત્યાં જ વસી જવા માંગો છો તો મિનેસોટાના હાર્મની શહેર પર તમે પસંદગી ઉતારી શકો છો. અહીં વસવા માટે નાગરિકતાનું કોઈ બંધન નથી. ઉંમર અને આવકની કોઈ સીમા નથી. તમને સરકાર 6 લાખ રૂપિયાની મદદ પણ આપશે.
અહીં રહેવાની શરત એ જ છે કે તમારે અહીં ઘર બનાવવુ પડશે. ઘર બનાવવામાં થનારા ખર્ચામાંથી 6 લાખ રૂપિયા અહીંની સરકાર તરફથી મળે છે. તમને આ રૂપિયા ત્યારે જ મળશે જ્યારે તમારુ ઘર તૈયાર થઈ જશે. બીજી વાત, તમારે ઘરનુ કામ શરૂ કરતા પહેલા જ આ માટે એપ્લાય કરી દેવુ પશે.
અમેરિકાના અલાસ્કા રાજ્યમાં લોકોને દર વર્ષે સરકાર 1 લાખ રૂપિયા આપે છે. અલાસ્કા રાજ્યની સરકાર 1976થી અહીં રહેતા લોકોને પરમેનન્ટ ફંડ રિઝર્વ સ્કીમ અંતર્ગત ઈન્સેન્ટિવ આપે છે. વાસ્તવમાં અલાસ્કાને તેલ વેચવાને કારણે થતી આવકમાંથી રોયલ્ટી મળે છે.
અમેરિકાનુ આવુ બીજુ શહેર છે કનેક્ટિકટનું ન્યુ હેવન. અહીં પરિવાર સાથે રહેશો તો તમને 27 લાખ રૂપિયા સુધીનો ફાયદો મળશે. અહીંની સરકાર 6 લાખ રૂપિયાની મદદ આપે છે. આ રાશિથી તમે હોમ લોનનું ડાઉન પેમેન્ટ પણ ભરી શકો છો.
અહીં તમે ઉર્જાની બચત કરશો તો તમને 20 લાખ રૂપિયાની મદદ મળશે. સ્ટુડન્ટ્સને ટ્યુશન ફ્રી મળે છે. વર્ષે 1 લાખ રૂપિયાનુ ઈન્સેન્ટિવ પણ આપવામાં આવે છે. જો કે 6 લાખ રૂપિયાની મદદ મેળવતા પહેલા તમારે સરકારને ઘરનો પ્લાન સોંપવો પડશે. તેના આધાર પર જ સરકાર વિચાર કરશે કે તમને પૈસા આપવા કે નહિ.