ફિલ્મ સુપર સ્ટાર શાહરુખ ખાનના બંગલા મન્નતને બોમ્બથી ઉડાવી દેવાની ધમકી આપનારા મધ્યપ્રદેશના યુવાનની પોલીસે ધરપકડ કરી છે. પોલીસની પૂછપરછમાં યુવાન અંગે જે કારણો જાણવા મળ્યા છે તેને લઈ આશ્ચર્ય ઉભું થયું છે.
અજાણ્યા કોલરનો નંબર મધ્યપ્રદેશના જબલપુર જિલ્લાના એક સરનામે મળી આવ્યો હતો. મહારાષ્ટ્ર પોલીસે તરત જ જબલપુર પોલીસનો સંપર્ક કર્યો અને તેમને આ કોલની સંપૂર્ણ વિગતો આપી. પોલીસે હવે જબલપુરના સંજીવની નગર પોલીસ સ્ટેશન વિસ્તારના ગંગાનગર વિસ્તારમાંથી જીતેશ ઠાકુર નામના વ્યક્તિની ધરપકડ કરી છે. તમને જણાવી દઈએ કે, બોલિવૂડના બાદશાહ એક્ટર શાહરૂખ ખાનના બંગલા ‘મન્નત’ અને મુંબઈના વિવિધ સ્થળોએ આતંકવાદી હુમલા અને બોમ્બ વિસ્ફોટની ધમકી આપવામાં આવી હતી.
મધ્યપ્રદેશ પોલીસના સીએસપી આલોક શર્માએ કહ્યું, “અમને મહારાષ્ટ્ર પોલીસનો ફોન આવ્યો કે જબલપુરથી આતંકી હુમલાનો દાવો કરવામાં આવ્યો છે. તેઓએ એ વ્યક્તિને પકડવામાં અમારી મદદ માંગી. અમે કેસની તપાસ કરી અને વ્યક્તિને પકડી લીધો. અને કેસ દાખલ કરવામાં આવ્યો છે. તેની સામે ભારતીય દંડ સંહિતાની સંબંધિત કલમો હેઠળ નોંધાયેલ છે.”
CSP આલોક શર્માએ વધુમાં જણાવ્યું હતું કે, “જ્યારે અમે તેની ધરપકડ કરી ત્યારે અમને ખબર પડી કે તે અગાઉ પણ ગુનાહિત કેસમાં પકડાઈ ચૂક્યો છે. ભૂતકાળમાં પણ તેણે નશાની હાલતમાં સીએમ હેલ્પલાઈન પર અને 100 નંબર પર ઘણી વખત ફેક કોલ કર્યા છે. કોલ કરવામાં આવ્યો છે.જ્યારે અમે તેને કોલ પાછળના હેતુ વિશે પૂછ્યું તો તેણે કહ્યું કે તેને આની સાથે કોઈ લેવાદેવા નથી. તે અવારનવાર નશાની હાલતમાં આ ફોન કરે છે. અમને ખબર પડી કે તેનું લગ્ન જીવન યોગ્ય રીતે ચાલી રહ્યું નથી. જેનાથી તે પરેશાન થઈ ગયો છે.
આરોપીઓ વિરુદ્ધ આઈપીસીની કલમ 182, 505 અને 506 હેઠળ કેસ નોંધવામાં આવ્યો છે. તે હાલમાં જબલપુર પોલીસની કસ્ટડીમાં છે અને તેને ટૂંક સમયમાં મેજિસ્ટ્રેટ સમક્ષ રજૂ કરવામાં આવશે. દરમિયાન, મહારાષ્ટ્ર પોલીસ તેને તેમની કસ્ટડીમાં લેવા માટે ટૂંક સમયમાં જબલપુર પહોંચશે.