રેસિપી
1 કપ આખી રાત પલાળેલા રાજમા
4 નંગ સમારેલા ટામેટા
1 ટી સ્પૂન આદુની પેસ્ટ
1 તમાલપત્રનું પાન
1 તજનો ટુકડો
1 ટે. સ્પૂન બેસન
1/2 ટે. સ્પૂન જીરું પાઉડર
1/2 ટે. સ્પૂન કસ્તૂરી મેથી
સ્વાદાનુંસાર મીઠું
2 નંગ સમારેલી ડુંગળી
6 લસણની કળી
1 લીલું મરચું
2 નંગ ઈલાયચી
2 ટે. સ્પૂન સમારેલી કોથમીર
2 ટે. સ્પૂન લાલ મરચું પાઉડર
1/2 ટે. સ્પૂન આમચૂર પાઉડર
1/4 ટે. સ્પૂન ગરમ મસાલો
સ્ટેપ 1
એક મિક્સર જાર લો, તેમાં સમારેલા ટામેટા લઈને તેને પ્યૂરી બનાવી લો. ટામેટાની પેસ્ટને એક બાઉલમાં લઈ લો. મિક્સર જારમાં સમારેલી ડુંગળી લો અને તેની પણ પેસ્ટ બનાવી લો. તેને એક બાઉલમાં લઈ લો. ટામેટા અને ડુંગળી પેસ્ટને અલગ-અલગ રાખવી. હવે, લસણની કળી અને મરચાની પણ પેસ્ટ બનાવી લો. તેને એક પ્લેટમાં કાઢી લો.
સ્ટેપ 2
આખી પાત પલાળેલા રાજમાને ધોઈ નાખો અને તેને કૂકરમાં ઉમેરો. તેમાં આશરે એક લિટર પાણી, સ્વાદાનુંસાર મીઠું, ટામેટાની પેસ્ટ, ડુંગળીની પેસ્ટ, આદુની પેસ્ટ, લસણ-મરચાની પેસ્ટ ઉમેરો, આ સિવાય તમાલપત્ર, તજ અને ઈલાયચી પણ ઉમેરો. હવે કૂકરનું ઢાંકણું બંધ કરો. ગેસની ફ્લેમ મીડિયમ રાખો અને 6થી 8 વ્હીસલ વગાડો.
સ્ટેપ 3
6-8 વ્હીસલ બાદ કૂકરનું ઢાંકણું ખોલો અને તેમાં લાલ મરચું પાઉડર, ગરમ મસાલો, જીરું પાઉડર, આમચૂર પાઉડર અને કસ્તૂરી મેથી ઉમેરો. મિક્સ કર્યા બાદ કૂકરને ઢાંકણ ઢાક્યા વગર તેને 10 મિનિટ માટે ચડવા દો. તો તૈયાર છે રાજમા. તેને કોથમીરથી ગાર્નિશ કરીને ભાત અથવા રોટલી સાથે ગરમાગરમ સર્વ કરો.