સામગ્રી
1 બાઉલ ભાત
2 નંગ નાની સાઈઝના બાફેલા બટાકા
1 નંગ બારીક સમારેલી ડુંગળી
2 નંગ બારીક સમારેલી તીખા લીલા મરચા
2 ટે. સ્પૂન સમારેલી કોથમીર
1 ટી સ્પૂન લાલ મરચું પાઉડર
1 ટી સ્પૂન જીરું પાઉડર
1 ટી સ્પૂન ગરમ મસાલો
3-4 ટે. સ્પૂન બેસન
સ્વાદાનુંસાર મીઠું
તળવા માટે તેલ
સ્ટેપ 1
વધેલા ભાતમાંથી કટલેટ બનાવવા માટે સૌથી પહેલા બાફેલા બટાકાને છીણી લો અથવા એ રીતે મેશ કરી લો કે જેથી તેમા ગાંઠ ન રહી જાય. હવે એક બાઉલ લો. તેમાં ભાત, મેશ કરેલા બટાકા, સમારેલી ડુંગળી, સમારેલી તીખા મરચા, સમારેલી કોથમીર, લાલ મરચું પાઉડર, જીરું પાઉડર, ગરમ મસાલો, બેસન તેમજ સ્વાદાનુંસાર મીઠું ઉમેરીને હાથથી સરસ રીતે મિકસ કરી લો. ભાત આખા રહે તેનું ધ્યાન રાખવું.
સ્ટેપ 2
મિશ્રણમાંથી મીડિયમ સાઈઝના બોલ્સ બનાવીને તેને ટિક્કી જેવો શેપ આપી દો. જો તમારી પાસે કટલેટ બનાવવાનું મોલ્ડ હોય તો તેમા પણ તમે કરી શકો છો. આ રીતે મિશ્રણમાંથી તમામ કટલેટ તૈયાર કરી લો
સ્ટેપ 3
એક પેનમાં તેલ ગરમ કરવા મૂકો. કટલેટને તમે શેલો ફ્રાય અથવા ડીપ ફ્રાય કરી શકો છો. તેલ ગરમ થાય એટલે કટલેટને તેમાં મૂકીને ફ્રાય થવા દો. એક સાઈડ ગોલ્ડન બ્રાઉન થાય એટલે તેને બીજી બાજુ ફેરવી દો. બીજી સાઈડ પણ ગોલ્ડન બ્રાઉન થવા દેવી. કટલેટ તળાઈ જાય એટલે તે પ્લેટમાં લઈ લો. તો તૈયાર છે વધેલા ભાતમાંથી બનતી કટલેટ. આ કટલેટને ગ્રીન ચટણી અથવા સોસ સાથે ગરમાગરમ સર્વ કરો.