સામગ્રી
300 ગ્રામ બદામ
1 1/2 કપ ખાંડ
1 ટી સ્પૂન ઈલાયચી પાઉડર
8-9 કેસરના તાંતણા
1/2 કપ ઘી
1 કપ દૂધ
સ્ટેપ 1
બદામનો હલવો બનાવવા માટે, બદામને આખી રાત પલાળીને રાખી મૂકો અને બાદમાં સવારે તેની છાલ કાઢી લો. હવે તે બદામને ગ્રાઈન્ડર જારમાં લઈ લો. તેમાં 2 ટી સ્પૂન જેટલું દૂધ ઉમેરીને જાડી પેસ્ટ તૈયાર કરી લો.
સ્ટેપ 3
એક પેન લો અને તેમા ઘી ઉમેરો. ઘી ગરમ થાય એટલે બદામની પેસ્ટ ઉમેરીને શેકી લો. પેસ્ટનો કલર ગોલ્ડન બ્રાઉન ન થાય ત્યાં સુધી શેકી લો. ગેસની ફ્લેમ મીડિયમ રાખવી.
સ્ટેપ 4
હવે તેમાં દૂધ અને ખાંડ ઉમેરો. હવે તેને 10 મિનિટ માટે ચડવા દો. આ દરમિયાન તેમાં ચમચાથી હલાવતા રહેવું, જેથી તે તળીયે ચોંટે નહીં. દૂધ શોષાઈ જાય એટલે તેમાં ઈલાયચી પાઉડર અને કેસરના તાંતણા ઉમેરો અને મિક્સ કરી લો. તો તૈયાર છે બદામનો હલવો. બદામના હલવાને બાઉલમાં લઈને સર્વ કરો.