ન્યૂયોર્ક,
એક નવા રિસર્ચ મુજબ તમારો સ્માર્ટફોન તમારા સ્વભાવ વિશે ઘણું કહી શકે છે. તેનાથી ખ્યાલ આવે છે કે એન્ડ્રોઈડ સ્માર્ટફોનનો ઉપયોગ કરનારા લોકો આઈફોન યુઝ કરનારા લોકો કરતા વધુ પ્રામાણિક હોય છે.
લિંકન યુનિવર્સિટી અને લેન્ગકસ્ટર યુનિવર્સિટીના રિસર્ચ દ્વારા કરાયેલા આ રિસર્ચમાં એન્ડ્રોઈડ યુઝર્સને આઈફોન ઉપયોગ કરનારાની સરખામણીમાં વધુ ઉદાર હોવાનું સામે આવ્યું. સાથે એ પણ સામે આવ્યું છે કે આઈફોન રાખનારા લોકો વધુ મિલનસાર હોય છે.
આ સ્ટડીમાં એ વસ્તુ પણ સાફ થઈ છે કે આઈફોન રાખવાની ઈચ્છા મહિલાઓમાં પુરુષો કરતા બમણી હોય છે. એક્સપટ્ર્સના જણાવ્યા મુજબ આઈફોનના યુઝર્સ માને છે કે તેમનું સ્ટેટસ એન્ડ્રોઈડ યુઝર્સથી ઉપર છે. સ્ટડી મુજબ એન્ડ્રોઈડનો ઉપયોગ કરનારા લોકોમાં સમાન્ય રીતે નમ્રતા અને પ્રામાણિકતા વધુ હોય છે.
લિંકન યુનિવર્સિટીની હીદર શોએ કહ્યું, ’આ સ્ટડી જુદા-જુદા પ્રકારના સ્માર્ટફોન યુઝ કરનારા લોકોના વ્યક્તિત્વમાં અંતર સ્પષ્ટ કરે છે. તેનાથી યુઝર્સના સ્વભાવ વિશે જાણી શકવું સરળ બની ગયું છે.’
શો અને તેમના સહયોગીઓએ એન્ડ્રોઈડ અને આઈફોન યુઝ કરનારા લોકો અલગ-અલગ સ્ટડી કરીને નિષ્કર્ષ કાઢ્યું છે. આ સ્ટડીમાં ૨૪૦ લોકો જોડાયા હતા, જેમના વ્યક્તિત્વ અને સ્વભાવ વિશે ઘણાં પ્રકારના સવાલ પૂછવામાં આવ્યા હતા.