ફીચર્સને લઈને અનેક અફવા બાદ અંતે Samsung Galaxy J7+ કંપનીએ લોંચ કરી દીધો છે. કંપનીએ પોતાની મોસ્ટ સેલ સિરિઝ J7નું અપગ્રેડ વર્ઝન J7+ થાઇલેન્ડ ખાતે લોન્ચ કર્યો છે. આ ફોનમાં 13 મેગાપિક્સલ અને 5 મેગાપિક્સલના બે સેન્સર સાથે ડ્યુઅલ કેમેરા આપવામાં આવ્યો છે.
ગેલેક્સી J7+ને થાઇલેન્ડમાં લોન્ચ કરાયો છે. આ સમયે તેની કિંમત 12,900 બાટ રાખવામાં આવી હતી. જે ભારતીય રૂપિયામાં ₹25000 જેટલી થાય છે. હાલ ફોનને કંપનીના સ્ટોર અથવા સાઇટ પર પ્રી ઓર્ડરથી બૂક કરાવવો પડે છે. પ્રી-ઓર્ડરની અંતિમ તારીખ 17 સપ્ટેમ્બર છે. જોકે ફોન ક્યારથી અવેલેબલ થશે તે અંગે કોઈ જાણકારી આપવામાં આવી નથી.
આ ફોનમાં 5.5 ફૂલ HD સુપર MOLED ડિસ્પ્લે છે. સ્માર્ટફોનની બોડી એન્યુમિનિયમની છે. ફોનમાં 2.4 ગીગાહર્ટ્ઝ ઓક્ટાકોર મીડિયાટેક હીલીયો P20 પ્રોસેસર છે. ફોનમાં 4 GB રેમ અને 32 GB ઇન્ટરનલ મેમરી છે. તેમજ માઇક્રો SD કાર્ડ દ્વારા એક્સ્ટર્નલ મેમરીને 256GB સુધી વધારી શકાય છે. આ ફોન એન્ડ્રોઇડ 7.0 નૂગા પર ચાલે છે.
ગેલેક્સી J7+માં J7પ્રો અને J7 કરતા ઓછી ક્ષમતાવાળી બેટરી યુઝ કરવામાં આવી છે. આ ફોનમાં 3000mAhની બેટરી આપવામાં આવી છે જ્યારે તેના બે પ્રિસેડર્સમાં 3600mAhની બેટરી આપવામાં આવી હતી. તેમજ ફોન ડ્યુઅલ સિમ અને મલ્ટિવિંડો સપોર્ટ કરે છે. તેમજ ફોનમાં ઓલવેઝ ઓન ડિસ્પ્લે, ડ્યુઅલ મેસેન્જર, ફેસ ડિટેક્શન, સિક્યોર ફોલ્ડર જેવી ફીચર્સ પણ ઉપલબ્ધ છે.