અમદાવાદ : રિલાયંસ જિયોના જિયોફોનની પ્રી-બુકિંગ શરુ થઈ ચૂકી છે. રિલાયંસના આ 4G ફોનની બુકિંગ રિલાયંસ ડિજીટલ સ્ટોર અને કંપનીના અન્ય સ્ટોર્સ પરથી કરી શકાય છે. આ સિવાય કંપનીની વેબસાઈટ અને MyJio એપ દ્વારા તેની બુકિંગ કરી શકાય છે.
પ્રી-બુકિંગ કરનાર ગ્રાહકને આ ફોનની ડિલિવરી સપ્ટેમ્બર ના પ્રથમ અઠવાડિયામાં કરી દેવાશે. કંપનીએ પહેલાથી જ જાહેરાત કરી દીધી છે કે આ ફોનની ડિલિવરી વહેલા તે પહેલાના ધોરણે કરાશે.
જો તમે આ ફોનની બુકિંગ કરાવી ચૂક્યા છો અને હવે તમે તમારી બુકિંગનું સ્ટેટસ જાણવા માંગતા હોવ તો કંપનીએ આમાટે એક નંબર પર ફોન કરીને માહિતી મેળવવાની સુવિધા ગ્રાહકો માટે પૂરી પાડી છે. કંપનીએ તેના ઓફિશિયલ ટ્વિટર અકાઉંટ દ્વારા આ માહિતી આપી હતી. તમે ‘18008908900’ પર કૉલ કરીને તમારા ફોનનું બુકિંગ સ્ટેટસ જાણી શકો છો. આ સિવાય જિયોના ગ્રાહકો My Jio એપના મેનેજ વાઉચર સેક્શનમાં જઈને પણ જાણકારી મેળવી શકે છે.