એપલના લેટેસ્ટ ફ્લેગશિપ iPhone Xનું પ્રી-બુકિંગ શરુ થઈ ગયુ છે. ફેસ આઈડી ટેક્નોલોજી વાળો એપલનો આ સ્માર્ટફોન ભારતમાં 3જી નવેમ્બરથી ઉપલબ્ધ થશે. લગભગ 1 લાખની કિંમત ધરાવતા આ ફોનનો ક્રેઝ એટલો છે કે પ્રી-બુકિંગ શરુ થવાની થોડીક જ મિનિટોમાં તેના સ્ટોક ખાલી થઈ ગયા હતા.
એક એવો રિપોર્ટ સામે આવ્યો છે જેમાં જણાવવામાં આવ્યું છે કે, iPhone Xનો મેઈન્ટનન્સ અને રિપેર કોસ્ટ ઘણો વધારે છે. જો તમે iPhone Xની તૂટેલી સ્ક્રીન બદલાવવા માંગતા હશો તો તમારે 41,600 રુપિયા ખર્ચ કરવા પડી શકે છે. તો આનો અર્થ એ છે કે રિપેરિંગનો ખર્ચ એક નવો આઈફોન 7 ખરીદવા બરાબર છે.
જો કે રિપોર્ટમાં કહેવામાં આવ્યું છે કે આ કિંમત 41,600થી ઘટાડીને 35-38 હજાર સુધી કરી શકાય છે, છતા મેઈન્ટનન્સ ઘણું મોંઘુ છે. તો હવે જો તમે આઈફોન X ખરીદવાનું વિચારી રહ્યા છો તો તમને સલાહ આપવામાં આવે છે કે ઈન્શ્યોરન્સ ચોક્કસ લેજો.