એપલના CEO ટીમ કૂકે ગુરુવારના રોજ જણાવ્યું કે, એપલનો ભારતમાં રેવન્યૂ ગયા વર્ષના સપ્ટેમ્બર ક્વૉર્ટરની સરખામણીમાં બમણો થઈ ગયો છે. આઈપેડના વેચાણ બાબતે ભારત સૌથી ઝડપથી વધતું માર્કેટ છે. આ ક્વૉર્ટરમાં આઈપેડનું ઓવરઓલ વેચાણ 11 ટકા વધ્યું, ભારતમાં તેના વેચાણમાં 39 ટકા વધારો જોવા મળ્યો છે. ચીનમાં પણ આ વધારો માત્ર 25 ટકા જ જોવા મળ્યો હતો.
જાણકારોનું માનવું છે કે એપલ માર્ચ 2018 સુધી ભારતમાં 3 બિલિયન ડૉલર રેવન્યુ સુધી પહોંચી શકે છે. કાઉન્ટપાર્ટ રિસર્ચના તરુણ પાઠકનું કહેવું છે કે, સપ્ટેમ્બર ક્વૉર્ટરમાં ભારતમાં એપલનું વેચાણ સામાન્યપણે ઓછું હોય છે, ત્યારે આ વખતે કંપનીનું પર્ફોમન્સ ઘણું સારું જોવા મળ્યું. એપલના રેવન્યુમાં આઈફોન, આઈપેડ, પર્સનલ કમ્પ્યુટર્સ અને મ્યુઝિક તેમજ એપ જેવી સર્વિસ છે.
કંપનીને વધારે શ્રેષ્ઠ બનાવવા માટે લોકલ મેન્યુફેક્ચરિંગ, રિટેલ ચેનલ, ઓફલાઈન આઉટલેટ વગેરે ડેવલોપ કરવાની જરુર છે. ઉલ્લેખનીય છે કે ફ્લિપકાર્ટ અને એમેઝોન જેવી ઈ-કોમર્સ સાઈટ પર iPhone X મિનિટોમાં જ વેચાઈ ગયો હતો.