એપલની દસમી એનિવર્સરીનો ફોન iPhone X આખરે બજારમાં આવી ગયો છે. આ ફોનથી સપ્ટેમ્બરમાં પડદો ઉઠ્યો છે. 3 નવેમ્બરે 50થી વધારે સ્ટોર્સમાં રીલિઝ થયો. એપલના આ ખાસ ફોનમાં અનેક નવા ફીચર છે. આ એપલનો પહેલો ફોન છે જે OLED ડિસ્પ્લે, ફેસઆઇડી, વાયરલેસ ચાર્જીંગ સાથે આવી રહ્યો છે. આ ઉપરાંત આઇફોન Xમાં એનિમોજી ફીચર છે. જે લોન્ચ પછી જ ચર્ચાનો વિષય બન્યો છે. કંપનીનું કહેવું છે કે એનિમોજી એક એવું એનિમેટેડ રિયલ ટાઇમ મેસેન્જર છે. જેનો ઉપયોગ યુઝર પોતાના અવાજની સાથે પોતાના ચહેરાના એક્સપ્રેશન પણ બતાવી શકે છે.
હાલ એપલે 12 એનિમોજી આપ્યાં છે. જેમાં પૂપ, પાંડા, પિગ, રોબોટ અને અન્યનો સમાવેશ થાય છે. આવનાર મહિનાઓમાં આ એનિમોજીની સંખ્યા વધી શકે છે.આઇફોન X ના ટ્રૂડેપ્થ કેમેરાના કારણે એનિમોજી તૈયાર થયા છે. આ કેમેરો ચહેરાની 50થી વધારે માંસપેશિઓને ઓળખીને તેનું વિશ્લેષણ કરે છે અને પછી તે હાવભાવને એનિમેટ કરીને ડઝનભર એનિમોજી તરીકે બતાવે છે.
યુઝરને પોતાનું એનિમોજી બનાવવા માટે કેટલાક સામાન્ય સ્ટેપ ફોલો કરવા પડશે. પોતાની મેસેજ એપ્લિકેશન ખોલીને તેમાં ટાઇપ કરો. આ પછી કેમેરા બટનની બાજુમાં આવેલા બટન પર ટેપ કરીને એનિમોજી કેરેક્ટર પસંદ કરો. આ પછી આઇફોન Xમાં જોઇને પોતાનો ફેસ જુઓ. આ પછી પોતાનું રેકોર્ડિંગ ચાલુ કરો. આ મેસેજ માત્ર 10 સેકન્ડનો જ હોવો જોઇએ. આ પ્રક્રિયા પૂરી થયા પછી માત્ર એરો બટન દબાવીને એનિમોજી મોકલવા જોઇએ.
એનિમોજી મોકલવા માટે તમારે આઇફોન Xની જરુર પડશે પરંતુ તેને અન્ય ફોન પર પણ રીસિવ કરી શકશો. એનિમોજી કોઇપણ એપલ iOS અને Mac યુઝરને મોકલી શકાય છે. એટલે કે તેને મોટાભાગના એપલ યુઝર રીસિવ કરી શકે છે.