વિદેશ પ્રવાસ કરનારા ભારતીયોની સંખ્યા વધી રહી છે. જો તમે પણ ફોરેન ટ્રિપ પ્લાન કરી છે તો અહીં તમારા માટે અમુક અગત્યની ટિપ્સ છે. અહીં તમને અમુક એવી ટિપ્સ આપવામાં આવી છે જે તમને તમારા પ્રવાસ દરમિયાન ઘણી મદદરુપ સાબિત થશે.
તમે ગમે તેટલો પર્ફેક્ટ પ્લાન તૈયાર કર્યો હશે, તમારા પ્લાન બદલાઈ પણ શકે છે. ફ્લાઈટ લેટ થાય, વેધર બદલાઈ જાય, કંઈ પણ થઈ શકે છે. અહીં એક વાતનું ખાસ ધ્યાન રાખવું કે આવી સ્થિતિ પ્રવાસ દરમિયાન આવવી સ્વાભાવિક છે, તેના કારણે તમારે મૂડ ખરાબ કરવાની જરુર નથી. બહાર વરસાદ છે તો લોકલ કેફેમાં બેસો, લોકલ કલ્ચરને સમજવાનો પ્રયત્ન કરો. કહેવાનો અર્થ છે કે તમારો પ્લાન બદલાય તો ટાઈમ વેસ્ટ કર્યા વિના તરત કંઈક બીજું પ્લાન કરો.
તમે જે સ્થળે ગયા છો ત્યાંના પોપ્યુલર ટૂરિસ્ટ ડેસ્ટિનેશન્સ પર તો જશો જ, પણ તે સિવાય તમારા હોટલ મેનેજર કે પછી ત્યાંના કોઈ સ્થાનિકને જે તે સ્થળની સ્થાનિક જગ્યાઓ વિષે પણ પુછો. કઈ જગ્યાએ લોકલ ફૂડ સૌથી સારું મળે છે? એવી કોઈ જગ્યા જ્યાં ઘણાં ઓછા લોકો જતા હોય, પણ વાસ્તવમાં તે જોવાલાયક હોય.
તમે જે દેશમાં જઈ રહ્યા છો ત્યાંની ભાષાનું થોડું જ્ઞાન તમને હોવું જોઈએ. આના માટે એક મહિનો કોર્સ કરવાની જરુર નથી, પણ સામાન્ય વાતચીતના શબ્દો શીખો તો કમ્યુનિકેશનમાં સરળતા રહેશે. કેમ છો? પ્લીઝ, સોરી, થેન્ક યુ, વગેરે જેવા શબ્દો ખાસ શીખી લેવા જોઈએ.
જ્યારે પણ કોઈ નવી જગ્યાએ જાઓ, ખાસ ધ્યાન રાખો કે દરેક દેશનું આગવું કલ્ચર અને ટ્રેડિશન્સ હોય છે. તમારા કપડા અથવા તો તમારું કોઈ વર્તન તે દેશમાં અસ્વીકાર્ય હોય, તો તેમની સંસ્કૃતિને માન આપો અને માનપુર્વક વર્તન કરો. એક વાત હંમેશા યાદ રાખવી કે તમે વિદેશમાં માત્ર તમારી જાતને જ નહીં, તમારા દેશને પણ રિપ્રેઝન્ટ કરો છો.