રોયલ ચેલેન્જર્સ બેંગ્લોર એ ઇન્ડિયન પ્રીમિયર લીગ 2023 માં તેના અભિયાનની જબરદસ્ત શરૂઆત કરી છે. RCB એ રવિવાર ,2 એપ્રિલના રોજ એમ. ચિન્નાસ્વામી સ્ટેડિયમ ખાતે રમાયેલી મેચમાં રોહિત શર્માની આગેવાની હેઠળની મુંબઈ ઈન્ડિયન્સ ને આઠ વિકેટે હરાવ્યું હતું. RCBની જીતમાં સ્ટાર બેટ્સમેન વિરાટ કોહલીએ મહત્વની ભૂમિકા ભજવી હતી. કોહલીએ માત્ર 49 બોલમાં 82 રનની અણનમ ઇનિંગ રમી જેમાં છ ચોગ્ગા અને પાંચ છગ્ગાનો સમાવેશ થાય છે.
આ મેચમાં વિરાટ કોહલીએ જે રીતે બેટિંગ કરી તે જોવાનું ખરેખર આકર્ષક હતું. ભારતના ભૂતપૂર્વ કેપ્ટન અને આરસીબીએ અરશદ ખાનની બોલ પર પોતાની ઇનિંગ્સના પ્રથમ ચોગ્ગો ફટકાર્યો હતો. જે બાદ તેણે ઝડપી બોલર જોફ્રા આર્ચરની ઓવરમાં એક ફોર અને એક સિક્સર ફટકારીને પોતાના ઈરાદા સ્પષ્ટ કરી દીધા હતા. જોકે જોફ્રા આર્ચર એજ ઓવર માં બોલ્ડ કર્વાનો મોકો ચૂકી ગયો હતો. જો જોવામાં આવે તો કોહલીએ આખી ઇનિંગ દરમિયાન એરિયલ શોટ મારવાનું ટાળ્યું ન હતું અને પાંચ સિક્સર ફટકારી હતી.
વિરાટ કોહલીએ જોફ્રા આર્ચર અને અરશદ ખાને બે-બે છગ્ગા ફટકાર્યા હતા, જ્યારે પીયૂષ ચાવલાના બોલને સિક્સર ફટકારી હતી. કોહલીએ આરસીબી માટે સિક્સર સાથે મેચ પણ પૂરી કરી હતી. આ મેચમાં કેપ્ટન ફાફ ડુ પ્લેસિસે વિરાટ કોહલીને સારો સાથ આપ્યો હતો. બંને ખેલાડીઓએ પ્રથમ વિકેટ માટે 14.5 ઓવરમાં 148 રનની ઓપનિંગ ભાગીદારી કરી હતી. ફાફ ડુ પ્લેસિસે 43 બોલમાં 73 રનની ઈનિંગ રમી જેમાં છ છગ્ગા અને પાંચ ચોગ્ગા સામેલ હતા. બંને ખેલાડીઓની તોફાની બેટિંગના કારણે આરસીબીએ 22 બોલ બાકી રહેતા મેચ જીતી લીધી હતી.
વિરાટ કોહલીએ આ ઈનિંગથી સંકેત આપ્યો છે કે આઈપીએલની આ સિઝનમાં તેને રોકવો ઘણો મુશ્કેલ થઈ જશે. વિરાટ કોહલીએ IPL 2023ની શરૂઆત એવી જ રીતે કરી છે જેવી રીતે તેણે 2016ની સિઝનમાં કરી હતી. IPL 2016માં, વિરાટ કોહલીએ સનરાઈઝર્સ હૈદરાબાદ સામેની પોતાની શરૂઆતની મેચમાં 51 બોલમાં 75 રનની ઈનિંગ રમી હતી. તે દાવ બાદ કોહલીએ પાછું વળીને જોયું નથી અને 2016ની સિઝનમાં 81.08ની એવરેજથી રેકોર્ડબ્રેક 973 રન બનાવ્યા હતા. આ દરમિયાન કોહલીના બેટમાંથી ચાર સદી અને સાત અડધી સદી ફટકારી હતી.
આવી સ્થિતિમાં કોહલી પાસેથી IPL 2023માં પણ આ જ પ્રદર્શનની આશા રાખવામાં આવી રહી છે. IPLની છેલ્લી સિઝન 34 વર્ષના વિરાટ કોહલી માટે કંઈ ખાસ ન હતી. IPL 2022 દરમિયાન વિરાટ કોહલી 16 મેચમાં માત્ર 341 રન જ બનાવી શક્યો હતો, જેમાં બે અડધી સદી સામેલ હતી. ઉપરાંત, તે ત્રણ વખત ગોલ્ડન ડક નો શિકાર પણ બન્યો હતો.
IPLમાં મુંબઈ ઈન્ડિયન્સ સામે સૌથી વધુ ઓપનિંગ ભાગીદારી:
155* એડમ ગિલક્રિસ્ટ અને વીવીએસ લક્ષ્મણ (ડેક્કન ચાર્જર્સ), ડીવાય પાટીલ, 2008
151* ડેવિડ વોર્નર અને રિદ્ધિમાન સાહા (SRH), શારજાહ 2020
151 મહેલા જયવર્દને અને વિરેન્દ્ર સેહવાગ (દિલ્હી કેપિટલ્સ), દિલ્હી, 2013
148 વિરાટ કોહલી અને ફાફ ડુ પ્લેસિસ (RCB), બેંગલુરુ, 2023
વિરાટ IPL અને T20 ક્રિકેટનો પણ બાદશાહ છે
વિરાટ કોહલી IPLનો બાદશાહ પણ છે અને તે આ T20 લીગમાં સૌથી વધુ રન બનાવનાર ખેલાડી છે. કોહલીએ અત્યાર સુધી 224 મેચમાં 36.64ની એવરેજથી 6706 રન બનાવ્યા છે. આ દરમિયાન તેને 5 સદી અને 45 અડધી સદી કરી છે. વિરાટ ટી20માં સૌથી વધુ રન બનાવનાર ભારતીય ખેલાડી પણ છે. કોહલીએ અત્યાર સુધી 361 T20 મેચોમાં 41ની એવરેજથી 11408 રન બનાવ્યા છે, જેમાં છ સદી અને 85 અડધી સદી સામેલ છે. કોહલી વિશ્વનો એકમાત્ર એવો ખેલાડી છે જેણે T20 ઈન્ટરનેશનલમાં 4000 રન બનાવ્યા છે
શું આ વખતે RCB IPL જીતશે?
રોયલ ચેલેન્જર્સ બેંગ્લોર IPLની સૌથી લોકપ્રિય ટીમોમાંથી એક છે, પરંતુ તે અત્યાર સુધી એક પણ ટાઇટલ જીતવામાં સફળ રહી નથી. જો કે, તે ચોક્કસપણે ત્રણ વખત આ ટુર્નામેન્ટની ફાઇનલમાં પહોંચવામાં સફળ રહી છે. છેલ્લી ત્રણ સિઝનમાં પણ RCBએ પ્લેઓફમાં પ્રવેશ કર્યો હતો, જ્યારે વર્ષ 2017 અને 2019માં પણ તે ખૂબ પાછળ હતું. આરસીબીના ચાહકોને આશા છે કે તેમની ટીમ આ વખતે ચોક્કસપણે ખિતાબ જીતશે