PM Modi UAE Visit: PM Modi UAE ની મુલાકાત વડાપ્રધાન નરેન્દ્ર મોદી બે દિવસની મુલાકાતે સંયુક્ત આરબ અમીરાતમાં છે. વડાપ્રધાન મોદી આજે અબુધાબીમાં પ્રથમ હિન્દુ મંદિરનું ઉદ્ઘાટન કરશે. આ સિવાય તેઓ ભારત માર્ટનું ઉદ્ઘાટન કરશે. વડાપ્રધાન મોદીએ BAPS મંદિરના નિર્માણ માટે જમીન આપવા બદલ UAE અને પ્રમુખ શેખ મોહમ્મદનો આભાર માન્યો હતો.
વડા પ્રધાન નરેન્દ્ર મોદી બે દિવસની મુલાકાતે સંયુક્ત આરબ અમીરાતમાં છે. વડાપ્રધાન મોદી આજે અબુધાબીમાં પ્રથમ હિન્દુ મંદિરનું ઉદ્ઘાટન કરશે. આ સિવાય તેઓ ભારત માર્ટનું ઉદ્ઘાટન કરશે. પોતાના પ્રવાસના પહેલા દિવસે પીએમ મોદીએ UAEના રાષ્ટ્રપતિ સાથે મુલાકાત કરી હતી.
વડાપ્રધાન મોદીએ UAEનો આભાર માન્યો હતો
વડાપ્રધાન મોદીએ BAPS મંદિરના નિર્માણ માટે જમીન આપવા બદલ UAE અને પ્રમુખ શેખ મોહમ્મદનો આભાર માન્યો હતો. બંને પક્ષોનું માનવું છે કે આ મંદિરનું નિર્માણ બંને દેશો વચ્ચેના ઐતિહાસિક સંબંધોને વધુ મજબૂત બનાવશે અને વૈશ્વિક સમુદાયને ભાઈચારો, સહયોગ અને શાંતિનો સંદેશ આપશે.
27 એકર જમીનમાં ફેલાયેલું હિન્દુ મંદિર
પીએમ મોદી બુધવારે અબુ ધાબીમાં બોચાસણવાસી શ્રી અક્ષર પુરુષોત્તમ સ્વામિનારાયણ સંસ્થા (BAPS) હિંદુ મંદિર, UAE માં પ્રથમ હિંદુ મંદિરનું ઉદ્ઘાટન કરશે. BAPS હિંદુ મંદિર લગભગ 27 એકર જમીન પર બનેલ છે અને આ મંદિરનું નિર્માણ કાર્ય 2019 થી ચાલી રહ્યું છે. આ મંદિર માટે જમીન UAE સરકારે દાનમાં આપી છે.
વિદેશ મંત્રાલયે કરારો વિશે માહિતી આપી
વિદેશ મંત્રાલય દ્વારા જણાવવામાં આવ્યું હતું કે ભારત-મિડલ ઈસ્ટ ઈકોનોમિક કોરિડોર (IMEC) સંબંધિત આંતરસરકારી માળખા પર બંને દેશો વચ્ચે સમજૂતી થઈ છે. IMEC ભારત-મધ્ય પૂર્વ-યુરોપ કોરિડોરનો ભાગ હશે. ભારત, UAE, અમેરિકા, ફ્રાંસ, ઇટાલી અને સાઉદી અરેબિયાના વડાઓની હાજરીમાં સપ્ટેમ્બર 2023માં નવી દિલ્હીમાં G-20 સમિટ દરમિયાન આ અંગેનો કરાર થયો હતો. આ સિવાય ઉર્જા ક્ષેત્રમાં નવા સહયોગ માટે ઈલેક્ટ્રિકલ ઈન્ટરકનેક્શન અને ટ્રેડ એગ્રીમેન્ટ પર હસ્તાક્ષર કરવામાં આવ્યા છે.
ભારત UAE સાથે આ કરાર કરવા જઈ રહ્યું છે
વિદેશ મંત્રાલયના જણાવ્યા અનુસાર, મોદી અને શેખ મોહમ્મદ વચ્ચેની વાતચીતમાં પેટ્રોલિયમ સંબંધોને મજબૂત કરવા પર વાત થઈ હતી. ભારત ટૂંક સમયમાં UAE પાસેથી LNG ખરીદવા માટે કરાર પર હસ્તાક્ષર કરવા જઈ રહ્યું છે. આર્કાઇવ્સ અને મ્યુઝિયમોના સંરક્ષણ અને સહયોગ અંગે બંને દેશો વચ્ચે બે અલગ-અલગ કરારો પણ થયા છે.