વોશિંગ મશીનનું કયું ફીચર ખાય છે સૌથી વધુ વીજળી? જાણો અહીં
આજના સમયમાં વોશિંગ મશીન લગભગ દરેક ભારતીય ઘરની એક ખૂબ જ મોટી અને આવશ્યક જરૂરિયાત બની ગયું છે. દોડધામ ભરેલી આ જિંદગીમાં આ મશીન આપણા કપડાં ધોવાના કામને એટલું સરળ બનાવી દે છે કે તેના વગર જીવનની કલ્પના કરવી પણ મુશ્કેલ લાગે છે. જેમ-જેમ ટેક્નોલોજી એડવાન્સ થતી જાય છે, તેમ-તેમ વોશિંગ મશીનો પણ પહેલાં કરતા વધુ સ્માર્ટ અને આધુનિક બનતાં ગયાં છે. આજબજારમાં આવતી આધુનિક વોશિંગ મશીનોમાં કપડાં ધોવા માટે અનેક પ્રકારના ખાસ મોડ્સ (Modes) મળવા લાગ્યા છે,જનો ઉપયોગ લોકો પોતાની સુવિધા અને કપડાંની જરૂરિયાત મુજબ કરે છે.
પરંતુ શું તમે ક્યારેય વિચાર્યું છે કે તમે જે મોડ પસંદ કરો છો તે તમારા ઘરના વીજળી બિલ પર સીધી અસર કરે છે? હા, દરેક મોડમાં પાવર વપરાશનું અલગ સ્તર હોય છે. આજે, અમે વિગતવાર સમજાવીશું કે કયો વોશિંગ મશીન મોડ સૌથી વધુ વીજળી વાપરે છે અને તમે તમારા પાવર વપરાશને કેવી રીતે નોંધપાત્ર રીતે ઘટાડી શકો છો.
કયો મોડ ખાય છે સૌથી વધુ વીજળી?
જો તમારા મનમાં પણ આ પ્રશ્ન હોય કે વોશિંગ મશીનનું કયું ફીચર સૌથી વધુ વીજળી વાપરે છે, તો તેનો સીધો જવાબ છે ‘હોટ વોશ’ (Hot Wash) અથવા પાણી ગરમ કરીને કપડાં ધોવાવાળો મોડ. આ મોડ નોર્મલ વોશની સરખામણીમાં સૌથી વધુ વીજળી ખર્ચે છે.
હવે તમારા મનમાં આ પ્રશ્ન જરૂર થશે કે આખરે આ મોડમાં આટલી બધી વીજળી કેમ ખર્ચ થાય છે? તો તેની મુખ્ય વજૂદ વોશિંગ મશીનની મોટર નથી, પરંતુ મશીનની અંદર લાગેલો હીટિંગ એલિમેન્ટ (Heating Element) હોય છે. પાણીને ઠંડામાંથી ગરમ કરવાની આ પ્રક્રિયામાં ખૂબ જ વધારે ઇલેક્ટ્રિસિટી વપરાય છે.
જો તમે તમારી મશીનમાં પાણીનું તાપમાન 40°C, 60°C કે તેથી વધુ નો વિકલ્પ પસંદ કર્યો છે, તો માની લો કે તમારું લાઈટ બિલ સામાન્ય મોડની સરખામણીમાં ઘણું વધારે આવશે. ખાસ કરીને જ્યારે તમે 60°C કે 90°C જેવા હાઈ-ટેમ્પરેચર (High-Temperature) વાળા મોડ્સ પસંદ કરો છો અને આ સાયકલ લાંબા સમય સુધી ચાલે છે, ત્યારે મશીન વીજળીનો મોટો જથ્થો ખેંચી લે છે.
શું ‘હેવી’ કે ‘ઇન્ટેન્સિવ’ મોડ પણ લે છે વધારે વીજળી?
હા, આ વાત બિલકુલ સાચી છે. વોશિંગ મશીનમાં આપવામાં આવતા Heavy, Intensive કે Cotton જેવા લાંબા વોશ સાયકલ પણ નોર્મલ કે ડેલી વોશ મોડની સરખામણીમાં વધુ વીજળી વાપરે છે.
જોકે, આ મોડ્સમાં વીજળીનો વપરાશ માત્ર એ વાત પર નિર્ભર નથી હોતો કે તમે કયું બટન દબાવ્યું છે, પરંતુ તેની પાછળ અન્ય કેટલાક ટેક્નિકલ કારણો પણ કામ કરે છે:
મશીન તે મોડમાં કેટલી વાર સુધી સતત ચાલી રહી છે.
પાણી ગરમ કરવાની પ્રક્રિયા કેટલી વાર પુનરાવર્તિત થઈ રહી છે.
ડ્રમ ફરવાની સ્પીડ (RPM) કેટલી ઝડપી છે.
જો તમે ‘હેવી મોડ’ નો ઉપયોગ કરી રહ્યા છો અને સાથે જ તેમાં ગરમ પાણી (Hot Water) નો વિકલ્પ પણ પસંદ કરી લીધો છે, તો સમજી લો કે તમારી મશીન સામાન્ય કરતા ક્યાંય વધુ વીજળી વાપરી રહી છે.
ક્વિક વોશ (Quick Wash) મોડમાં કેટલી વીજળી વપરાય છે?
ક્વિક વોશ (Quick Wash) મોડમાં કેટલી વીજળી વપરાય છે?આનાથી વિપરીત, જો આપણે Quick Wash મોડની વાત કરીએ, તો આ ઓછા સમયમાં કપડાં ધોવા માટે ડિઝાઇન કરવામાં આવે છે. આ સાયકલ ખૂબ જ ઓછી મિનિટોમાં પૂરું થઈ જાય છે, તેથી તે લાંબા વોશ સાયકલ્સની સરખામણીમાં ખૂબ ઓછી વીજળી ખર્ચે છે.
જો તમારા કપડાં ખૂબ વધારે ગંદા નથી અને તેની સંખ્યા પણ ઓછી છે, તો તમારા માટે ‘ક્વિક વોશ’ મોડનો ઉપયોગ કરવો સૌથી સમજદારી ભર્યો અને કિફાયતી ઓપ્શન માનવામાં આવે છે. જો કે, જો તમારી પાસે કપડાંનો ઢગલો પડ્યો છે અને તમે વારંવાર ક્વિક વોશ મોડ જ ચલાવી રહ્યા છો, તો વારંવાર મશીન ચાલુ થવાથી વીજળીનો વપરાશ ફરીથી વધી શકે છે.
વોશિંગ મશીનમાં વીજળી બચાવવાના કેટલાક સ્માર્ટ અને સરળ રસ્તાઓ
જો તમે ઈચ્છતા હોવ કે તમારી વોશિંગ મશીન કપડાં પણ સરસ રીતે ધોઈ નાખે અને મહિનાના અંતે તમારું લાઈટ બિલ પણ વધારે ન આવે, તો તમે નીચે આપેલી આ સરળ ટિપ્સ અપનાવી શકો છો:
કોલ્ડ વોશનો કરો ઉપયોગ: જ્યાં સુધી સંભવ હોય, તમારા રોજિંદા સામાન્ય કપડાં ધોવા માટે Cold Wash (ઠંડા પાણી) નો જ ઉપયોગ કરો. દર વખતે પાણી ગરમ કરવાની કોઈ આવશ્યકતા હોતી નથી.
યોગ્ય લોડનું રાખો ધ્યાન: મશીનને વારંવાર અડધા-અધૂરા કપડાં સાથે ચલાવવાના બદલે, તેની ક્ષમતા (Load Capacity) મુજબ જ કપડાં ભેગા કરીને ધોવો. તેનાથી વીજળી અને પાણી બંનેની બચત થાય છે.
જરૂર પડે ત્યારે જ ચલાવો હેવી મોડ: જો તમારા કપડાં ખૂબ ગંદા ન હોય, તો બિનજરૂરી રીતે ‘હેવી મોડ’ અથવા ‘ઇન્ટેન્સિવ મોડ’નો ઉપયોગ કરવાનું ટાળો; ‘નોર્મલ’ અથવા ‘ડેઇલી વોશ’ મોડ પૂરતો છે.
હાઈ-ટેમ્પરેચરથી બનાવો દૂરી: કોઈપણ વિશેષ જરૂરિયાત વગર (જેમ કે ખૂબ જીદ્દી ડાઘ કે મેડિકલ સેનિટાઇઝેશન) 60°C કે 90°C જેવા હાઈ-ટેમ્પરેચર વોશનો ઉપયોગ કરવાનું ટાળો.
થોડી સમજદારી અને યોગ્ય મોડની પસંદગી કરીને તમે તમારી વોશિંગ મશીનથી ઉત્તમ સફાઈ પણ મેળવી શકો છો અને તમારા લાઈટ બિલને પણ ઘણે અંશે કાબૂમાં રાખી શકો છો.
