વડાપ્રધાન મોદીનો પાકિસ્તાનને કડક સંદેશ: ‘આતંકવાદ અને તેને સમર્થન આપનારાઓને અલગ નહીં ગણીએ

લાલ કિલ્લાની પ્રાચીર પરથી ૭૮મા સ્વતંત્રતા દિવસના સંબોધનમાં વડાપ્રધાન નરેન્દ્ર મોદીએ પાકિસ્તાન અને આતંકવાદને કડક ચેતવણી આપી છે. તેમણે ભારતીય સેનાના બહાદુર સૈનિકોને સલામ કરીને ઓપરેશન સિંદૂરની સફળતાની પ્રશંસા કરી. પીએમ મોદીએ સ્પષ્ટ શબ્દોમાં કહ્યું કે ભારત હવે આતંકવાદ અને તેને ટેકો આપનારાઓને એકસમાન ગણશે.

#WATCH प्रधानमंत्री मोदी ने कहा, “हमारा देश कई दशकों से आतंक को झेलता आया है…अब हमने एक न्यू नॉर्मल प्रस्थापित किया है। आतंक को और आतंकियों को ताकत देने वालों को अब हम अलग-अलग नहीं मानेंगे…भारत ने तय कर लिया है कि परमाणु की धमकियों को अब हम सहने वाले नहीं है…”

(वीडियो… pic.twitter.com/pv6ATnPgvb

— ANI_HindiNews (@AHindinews) August 15, 2025

પાકિસ્તાનને કડક ચેતવણી

પીએમ મોદીએ પોતાના ભાષણમાં પાકિસ્તાનને સીધો સંદેશ આપતા કહ્યું કે, “અમે પાકિસ્તાનની પરમાણુ ધમકીઓને હવે સહન નહીં કરીએ. હવે પરમાણુ બ્લેકમેલ નહીં ચાલે.” તેમણે ભારપૂર્વક જણાવ્યું કે, દેશના દુશ્મનોને હવે કડક જવાબ આપવામાં આવશે. તેમણે કહ્યું કે, “લોહી અને પાણી એકસાથે વહેશે નહીં,” જેનાથી સિંધુ નદી જળ કરારને રદ કરવાનો સંકેત મળ્યો. પીએમ મોદીએ ઉમેર્યું કે દેશવાસીઓ હવે સમજી ગયા છે કે સિંધુ કરાર કેટલો ખોટો હતો.

#WATCH | Delhi: Prime Minister Narendra Modi says, “Bharat ne yeh tay kar liya hai ki khoon aur paani ek saath nahi bahega…”#IndependenceDay

(Video Source: DD) pic.twitter.com/0NWbriFxNN

— ANI (@ANI) August 15, 2025

સેનાને નિર્ણયો લેવાની છૂટ

વડાપ્રધાને જાહેરાત કરી કે સરકારે સશસ્ત્ર દળોને રણનીતિ ઘડવા, લક્ષ્ય નક્કી કરવા અને સમય નક્કી કરવાની સંપૂર્ણ છૂટ આપી છે. તેમણે કહ્યું કે, “આપણા સુરક્ષા દળોએ એવું ઉદાહરણ પૂરું પાડ્યું છે જે ઘણા દાયકાઓથી જોવા મળ્યું નથી. તેમણે દુશ્મનના વિસ્તારમાં ઘૂસીને આતંકવાદી ઠેકાણાઓને નષ્ટ કર્યા.” તેમણે પાકિસ્તાનને ચેતવતા કહ્યું કે જો ભવિષ્યમાં પણ આવા પ્રયાસો ચાલુ રહેશે, તો તેનો યોગ્ય જવાબ આપવા માટે ભારતીય સેના સંપૂર્ણ રીતે તૈયાર છે. આ ચેતવણીથી સ્પષ્ટ થાય છે કે ભારતે હવે આતંકવાદ સામે ‘નવી નીતિ’ અપનાવી છે.

યુવાનો માટે ‘પ્રધાનમંત્રી વિકાસ ભારત યોજના’ની જાહેરાત

૭૮મા સ્વતંત્રતા દિવસ નિમિત્તે, વડાપ્રધાન નરેન્દ્ર મોદીએ લાલ કિલ્લાની પ્રાચીર પરથી દેશને સંબોધિત કરતા યુવાનો માટે એક મોટી જાહેરાત કરી. તેમણે ‘પ્રધાનમંત્રી વિકાસ ભારત યોજના’ની જાહેરાત કરી, જે આજથી એટલે કે ૧૫ ઓગસ્ટથી જ લાગુ થશે. આ યોજના હેઠળ, યુવાનોને ₹૧૫,૦૦૦ની આર્થિક સહાય પૂરી પાડવામાં આવશે.

પીએમ મોદીએ તેમના ભાષણમાં આત્મનિર્ભરતા પર ભાર મૂક્યો અને કહ્યું કે બીજા પર નિર્ભર રહેવાની આદત દેશની સ્વતંત્રતા માટે જોખમરૂપ છે.

ટેકનોલોજી અને સંરક્ષણ ક્ષેત્રે આત્મનિર્ભરતા પર ભાર

વડાપ્રધાને દેશની તકનીકી અને સંરક્ષણ ક્ષમતાઓને મજબૂત કરવા પર વિશેષ ધ્યાન કેન્દ્રિત કર્યું.

• આર્ટિફિશિયલ ઇન્ટેલિજન્સ (AI): પીએમ મોદીએ કહ્યું કે, “આજે આઇટીનો યુગ અને ડેટાની શક્તિ છે. એ જરૂરી છે કે ઓપરેટિંગ સિસ્ટમથી લઈને સાયબર સુરક્ષા અને કૃત્રિમ બુદ્ધિમત્તા સુધીની દરેક વસ્તુ આપણી પોતાની હોવી જોઈએ.”
• સ્વદેશી જેટ એન્જિન: તેમણે યુવા વૈજ્ઞાનિકો અને ઇજનેરોને અપીલ કરી કે “આપણી પાસે આપણા પોતાના ‘મેડ ઇન ઇન્ડિયા’ ફાઇટર એરક્રાફ્ટ માટે જેટ એન્જિન હોવા જોઈએ.”

આ જાહેરાતો ભારતના ભવિષ્યના વિકાસ અને સુરક્ષા માટેના તેમના વિઝનને દર્શાવે છે, જ્યાં ટેકનોલોજી અને સંરક્ષણ ક્ષેત્રે સંપૂર્ણ સ્વતંત્રતા પ્રાપ્ત કરવાનો હેતુ છે.