માત્ર 9 લાખથી ઓછી કિંમત! આવી ગઈ 5-7 સીટર SUV, સેફ્ટીમાં મળ્યા 5 સ્ટાર

બજારમાં આવી ૫-૭ સીટર શાનદાર SUV, કિંમત ૯ લાખથી પણ ઓછી, સેફ્ટીમાં મળ્યા ૫ સ્ટાર

ફ્રેન્ચ ઓટોમેકર સિട്രોન ઈન્ડિયાએ ભારતીય બજારમાં તેની નવી SUV Aircross X લોન્ચ કરી છે. કંપનીએ તેને ₹૮.૨૯ લાખની પ્રારંભિક કિંમત (એક્સ-શોરૂમ) પર રજૂ કરી છે. આ મોડેલ કંપનીની Citroen 2.0-“Shift Into the New” લાઇનનો ત્રીજો પ્રોડક્ટ છે. આ પહેલા કંપનીએ C3X અને Basalt X ભારતીય ગ્રાહકોને ઓફર કર્યા હતા.

બહારથી સામાન્ય, અંદરથી મોટા ફેરફારો

બાહ્ય ડિઝાઇનમાં ફેરફારો ખૂબ મર્યાદિત છે. તેમાં માત્ર એક નવો ડીપ ફોરેસ્ટ ગ્રીન કલર અને ટેલગેટ પર ‘X’ બેજ ઉમેરવામાં આવ્યો છે.

ખરી અપગ્રેડ્સ કેબિનમાં કરવામાં આવ્યા છે. હવે આ SUVમાં ઇન્સ્ટ્રુમેન્ટ પેનલ અને ડોર પેનલ પર સોફ્ટ-ટચ લેધરેટ્ટી રેપિંગ આપવામાં આવી છે. આ ઉપરાંત, કંપનીએ તેમાં ૧૦.૨૫ ઇંચનું બેઝલ-લેસ ઇન્ફોટેનમેન્ટ ડિસ્પ્લે અને ૭ ઇંચનો ડિજિટલ ઇન્સ્ટ્રુમેન્ટ ક્લસ્ટર પણ સામેલ કર્યો છે. કેટલીક જગ્યાએ ગોલ્ડન એક્સેન્ટ્સ પણ આપવામાં આવ્યા છે, જે તેને પ્રીમિયમ લુક આપે છે.

આરામ અને પ્રીમિયમ ફીલિંગ પર ફોકસ

કંપનીએ નવા વર્ઝનમાં રીડિઝાઇન ગિયર લિવર, વેન્ટિલેટેડ લેધર સીટ્સ, અને ડિફ્યુઝ્ડ એમ્બિયન્ટ લાઇટિંગ તેમજ ફૂટવેલ લાઇટિંગ ઉમેરી છે. સાથે જ, ડાર્ક બ્રાઉન થીમવાળો ઇન્ટિરિયર તેને વધુ ક્લાસી અને લક્ઝરી અહેસાસ આપે છે.

સલામતીમાં નો કોમ્પ્રોમાઇઝ! ₹10 લાખથી ઓછી કિંમતની 5 સૌથી સુરક્ષિત કાર, જુઓ લિસ્ટ

Tata Motors એ ઇતિહાસ રચ્યો: એક મહિનામાં ₹60,907 ગાડીઓનું જંગી વેચાણ!

નવા ફીચર્સથી બની વધુ સ્માર્ટ

Aircross X માં હવે ઘણા એડવાન્સ ફીચર્સ સામેલ કરવામાં આવ્યા છે, જેમ કે:

• પેસિવ એન્ટ્રી અને પુશ સ્ટાર્ટ બટન
• ક્રૂઝ કંટ્રોલ, સ્પીડ લિમિટર
• ઓટો IRVM, એલઇડી પ્રોજેક્ટર ફોગ લેમ્પ્સ, વેન્ટિલેટેડ સીટ્સ
• ૩૬૦-ડિગ્રી કેમેરા વિથ સેટેલાઇટ વ્યૂ
• કંપનીનો નવો CARA AI આસિસ્ટન્ટ (જે તાજેતરમાં Basalt X માં આવ્યો હતો).

સેફ્ટીમાં ટોપ રેટિંગ

સુરક્ષાના મામલે આ SUV ખૂબ મજબૂત છે. તેને ફાઇવ-સ્ટાર BNCAP સેફ્ટી રેટિંગ મળ્યું છે. તેમાં સિક્સ એરબેગ્સ, હાઈ-સ્ટ્રેન્થ બોડી સ્ટ્રક્ચર, ESP, હિલ હોલ્ડ, ABS વિથ EBD, રીઅર પાર્કિંગ સેન્સર જેવા ૪૦થી વધુ એક્ટિવ અને પેસિવ સેફ્ટી ફીચર્સ મળે છે.

વેરિએન્ટ અને કિંમતો

સિટ્રોન Aircross X ને અનેક વેરિએન્ટ્સ અને સીટિંગ લેઆઉટમાં લોન્ચ કરવામાં આવ્યું છે:

ખુશખબર! તહેવારોની સિઝનમાં લોન્ચ થશે આ 5 પાવરફુલ કાર

સનરૂફના શોખીનો માટે ખુશખબર! GST કપાત પછી Hyundai Exter S Smart બની ગઈ ‘સૌથી સસ્તી’ SUV

એન્જિન અને પરફોર્મન્સ

Aircross X નું પાવરટ્રેન સ્ટાન્ડર્ડ વર્ઝન જેવું જ છે.

• બેઝ વેરિએન્ટમાં ૮૨hp વાળું ૧.૨-લિટર ૩-સિલિન્ડર નેચરલી એસ્પિરેટેડ પેટ્રોલ એન્જિન મળે છે, જે માત્ર ૫-સ્પીડ મેન્યુઅલ ગિયરબોક્સ સાથે આવે છે.
• હાયર ટ્રિમ્સમાં ૧૧૦hpનું ૧.૨-લિટર ટર્બો-પેટ્રોલ એન્જિન આપવામાં આવ્યું છે, જેને ૬-સ્પીડ મેન્યુઅલ અથવા ૬-સ્પીડ ઓટોમેટિક ગિયરબોક્સ સાથે ખરીદી શકાય છે.

ગ્રાહકો ઈચ્છે તો તેમાં CNG કીટ પણ આફ્ટરમાર્કેટ એક્સેસરી તરીકે લગાવી શકે છે.

Citroen Aircross X ભારતીય ગ્રાહકોને વધુ સારી લક્ઝરી ફીલ, એડવાન્સ ટેક્નોલોજી અને મજબૂત સેફ્ટી પેકેજ ઓફર કરે છે, તે પણ વાજબી પ્રારંભિક કિંમત પર.