પારડી : 10ના સિક્કા બંધ થયા ની અફવાથી પારડી બજારમાં સિક્કાની ભરમાર

પારડી તા.10 : થોડા દિવસોથી પારડી બજારમાં 10ના સિક્કા કેટલાક ગ્રાહકો લેવાની ના કહેતા વેપારીઓ અવઢવમાં મુકાઈ ગયા છે વેપારીઓ 10 ના સિક્કા સ્વીકારી રહ્યા છે પરંતુ ખોટી અફવાના કારણે ગ્રાહકો 10 ના સિક્કા ન સ્વીકારતા બજારમાં 10 ના સિક્કાની ભરમાર થઇ ગઈ છે લોકોની આ ગેરસમજણને દૂર કરવી તંત્ર માટે જરૂરી થઇ પડ્યું છે .
કેન્દ્ર સરકારના નોટ બંધીના નિર્ણય ને પગલે બજારમાં છુટા ની અછત હજુ પણ વર્તાઈ રહી છે બજારનો વ્યવહાર છૂટા ની તકલીફને કારણે રાબેતા મુજબ થયો નથી એમ કહી શકાય ઓનલાઈન પેમેન્ટના સરકારના આગ્રહ છતાં બજારમાં અમુક વ્યવહારો હજી પણ રોકડથી જ થાય છે આ પરિસ્તીથીમાં છેલ્લા થોડા દિવસોથી એક અફવાયે જોર પકડ્યું છે કે 10 ના સિક્કા ચલણમાં નથી વેપારીઓ તો 10ના સિક્કા સ્વીકારી રહ્યા છે પરંતુ કેટલાક ગ્રાહકો સિક્કા લેતા નથી પરિણામે બજારમાં 10 ના સિક્કા ની ભરમાર થઇ ગઈ છે પારડી બજારમાં પણ આજ પરિસ્થિતિ જોવા મળી રહી છે ત્યારે વારમ્વાર ગ્રાહકો ને જાણ કારવા છતાં એ તંત્ર આ અફવા ફેલાવનાર સામે પગલાં ભરે તે હવે જરૂરી બની રહયું છે