પનાસ ગામ ખાતે આવેલા એસએમસી આવાસમાં આવેલા ફ્લેટમાં સિલિંગના પોપડા પડતા કિશોરી , મહિલા અને વૃદ્ધાને ઈજા પહોંચી હતી. જેથી ત્રણેયને સિવિલ હોસ્પિટલ ખાતે સારવાર અર્થે ખસેડવામાં આવી હતી.
પનાસ ગામ ખાતે આવેલા એસએમસી આવાસમાં આવેલા પ્રજ્ઞાનગરમાં આજ રોજ એક ફ્લેટના સિલિંગના પોપડા પડ્યા હતા. જેમાં સાધના બાલુભાઈ ચહારે(ઉ.વ.50), દામિની બાલુભાઈ ચહારે(ઉ.વ.18) અને કલાવતીબેન બાબુરાવ સેલાર(ઉ.વ.70)ને ઈજા પહોંચી હતી. આવાસની મહિલાઓ જણાવ્યું હતું કે, આ આવાસ 15થી 17 વર્ષા જૂનું છે. અવાર નવાર સિલિંગના પોપડા પડવાની ફરિયાદો ઉઠી રહી છે. આ ઘટના સાતમી હોવાનું સ્થાનિક મહિલાઓએ જણાવ્યું હતું.
