Sun Transit 2025 : આ ત્રણ રાશિઓ માટે આવશે સુખદ સમય, પુષ્ય નક્ષત્રમાં સૂર્યનો પ્રવેશ શુભ સંકેત
Sun Transit 2025 જ્યોતિષશાસ્ત્રમાં સૂર્ય ગ્રહને આત્માનો કારક, પિતા, સન્માન અને સત્તાનું પ્રતિક માનવામાં આવે છે. 2025ના 20 જુલાઈના રોજ સૂર્યે પુનર્વાસુ નક્ષત્ર છોડીને કર્ક રાશિમાં પુષ્ય નક્ષત્રમાં પ્રવેશ કર્યો છે. પુષ્ય નક્ષત્રનો સ્વામી શનિ છે, જે કર્મ અને ન્યાયનો કારક છે. આ ગોચર અમુક રાશિઓ માટે ખૂબ શુભ સંકેતો લઈને આવ્યો છે.
મેષ રાશિ
મેષ રાશિના જાતકો માટે આ ગોચર ખૂબ લાભદાયક સાબિત થવાનો છે. નવા કામોની શરૂઆત માટે યોગ્ય સમય છે. જો તમે વ્યવસાય શરૂ કરવાનો વિચારી રહ્યા હોવ તો તમને પરિવારજનોથી પૂરતો સહયોગ મળશે. નોકરીમાં પ્રમોશનના યોગ બની રહ્યા છે અને લાંબા સમયથી અટકેલા કાર્યને આખરે સફળતા મળશે. દાંપત્યજીવનમાં પ્રેમનો સમાવેશ વધશે અને સાથીદારો સાથેના સંબંધોમાં મીઠાસ આવશે. આર્થિક રીતે પણ તમને લાભ મળશે.
કર્ક રાશિ
સૂર્યનો કર્ક રાશિમાં પ્રવેશ કર્ક રાશિના લોકો માટે અનેક રીતે લાભદાયક રહેશે. કામકાજમાં પ્રગતિ જોવા મળશે. નોકરી શોધી રહેલા લોકોને સારી તકો મળશે. ટેકનોલોજી, આરોગ્ય અને શિક્ષણ ક્ષેત્રના લોકો માટે આ સમય સકારાત્મક રહેશે. પિતૃસંબંધો મજબૂત બનશે અને ઘર પરિવારમાં શાંતિનું વાતાવરણ રહેશે. સ્વાસ્થ્ય સામાન્ય રહેશે, પરંતુ વધુ કામના કારણે થાક લાગતો અનુભવાઈ શકે છે.
ધન રાશિ
ધન રાશિના જાતકો માટે સૂર્યના આ ગોચરથી શુભ ફળ પ્રાપ્ત થશે. ધર્મકર્મમાં રસ વધશે અને માનસિક શાંતિ મળશે. વિદ્યાર્થીઓ માટે આ સમય ઉત્તમ છે – અભ્યાસમાં સફળતા મળશે. નોકરી કે વ્યવસાયમાં સ્થિરતા જોવા મળશે. વેપારીઓ માટે આર્થિક દ્રષ્ટિએ સમય સારો રહેશે. મિત્રો અને પરિવારજનો સાથે સંબંધો મજબૂત બનશે અને ઘરમાં આનંદમય વાતાવરણ રહેશે.
