કમલ હાસને મુંબઈમાં પ્રવાસી મજૂરો દ્વારા લોકડાઉનને તોડવાના મુદ્દે કેન્દ્ર સરકાર પર પ્રહાર કર્યા. કમલ હાસને સોમવારે ટ્વિટ કરીને કહ્યું કે, બાલકનીમાં ઊભા રહેલા લોકોએ જમીન પરની હકિકતને જોવી જોઈએ. પહેલા દિલ્હીમાં અને હવે મુંબઈમાં મજૂરોએ લોકડાઉનનો ભંગ કર્યો. પ્રવાસી મજૂરોની સમસ્યા ટાઈમ બોમ્બ જેવી છે. તે કોરોના કરતા પણ વધારે મોટી થાય તેના પહેલા તેને ડિફ્યુઝ કરવી જોઈએ. બાલકની સરકારે એ પણ જોવું જોઈએ કે ગ્રાઉન્ડ ઉપર શું થઈ રહ્યું છે. પ્રધાનમંત્રી મોદી દ્વારા લોકડાઉનને ત્રણ મે સુધી લંબાવવાની જાહેરાત પછી મુંબઈના બાન્દ્રા સ્ટેશન પાસે એક હજારથી વધારે પ્રવાસી મજૂરો ભેગા થયા હતા. ત્રણ સપ્તાહથી મુંબઈમાં ફસાયેલા આ મજૂરો પોતાના ગામડે જવા માટે વાહનની સુવિધા આપવાની માંગ કરી રહ્યા છે. પોલીસે તેને હટાવવા માટે લાઠીચાર્જ કરવો પડ્યો હતો. આ પહેલા છ એપ્રિલે કમલ હાસને પીએમ મોદીને પત્ર લખી અચાનક 21 દિવસના લોકડાઉનની જાહેરત કરવા ઉપર સવાલો ઉઠાવ્યા હતા.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.