આરોગ્ય, પોલીસ, સફાઇ કર્મીઓ, સરકારી તંત્રોની સાથે નાગરિકો હાથની મુઠ્ઠીની જેમ સાથે મળીને સામનો કરશે તો જ કોરોના ને હરાવી શકશે. કોરોના ની દવા શોધાઈ ત્યાં સુધી સાવચેતી પૂર્વકની રહેણીકરણી એ જ અત્યારે એકમાત્ર ઉપાય છે. સોશિયલ ડિસ્ટન્સ અને સફાઈ ને રોજિંદી આદત બનાવીએ અને રાજ્ય સરકાર સંચાલિત યુ.એન મેહતા ઇન્સ્ટિટયુટ ઓફ કાર્ડીઓલોજી એન્ડ રિસર્ચ સેન્ટર ના માનદ નિયામક અને નિષ્ણાંત કાર્ડિયોલોજિસ્ટ ડોક્ટર આર.કે પટેલ જણાવે છે કે, કોરોનાવાયરસ નાના બાળક જેવો છે તેને કાબૂમાં લેવા માટે અત્યંત સાવચેતી પૂર્વક વર્તવું પડશે.
કોરોનાથી કે તેની સારવાર કરાવવાથી ડરવાની જરૂર નથી તેઓ કોરોના સંક્રમણને અટકાવવા માટે સાત પગલાની સરળ કરી આપે છે આ માટેની ટિપ્સ આપતાં તેઓ MEN અને WOMEN એવા ટૂંકા અક્ષરોનો ઉપયોગ કરીને જણાવે છે કે MEN થી દુર રહો એટલે કે મોઢા(Mouth), આંખો(Eyes) અને નાક(Nose) ને વારંવાર અડવાનું ટાળો અને WOMEN ને અનુસરો એટલે કે વારંવાર હાથ ધોવા, સોશિયલ ડિસ્ટન્સનું પાલન, માસ્ક પહેરવું, નિયમિત એક્સરસાઈઝ અને નકારાત્મક વિચારોનો ત્યાગ કરવા જણાવે છે. સામાન્ય નાગરિકોમાં કોરોના અંગે હજી પણ પ્રવર્તી રહેલી અસમંજસ અને ગૂંચવણ અંગે ડોક્ટર પટેલ જણાવે છે કે આજની સોશિયલ મીડિયાની દુનિયામાં આપણી પાસે કોરોનાને લગતી અઢળક માહિતી આવતી હોય છે જેમાંથી સાચું શું અને ખોટું શું? એ બાબતે આપણે હંમેશા ગુંચવણમાં હોઈએ છીએ ત્યારે કોરોના અંગે માહિતી આપતા તેઓ કહે છે કે, કોરોના હવે બે મહિનાથી વધું જૂનું થયુ છે. તાવ, શરદી, સૂકી ઉધરસ, શરીરમાં થાક કે સામાન્ય દુખાવો, માથું દુખવું, સ્વાદ અને સુગંધ નો અનુભવ ન થવો, શ્વાસ લેવામાં તકલીફ કે ઝાડા ઉલટી જેવા સામાન્ય લક્ષણો ઉપરાંત અનેક કિસ્સાઓમાં કોઈ લક્ષણ ન દેખાય એવું પણ બને છે.
તેમણે જણાવ્યું કે કોરોના તોફાની બાળક જેવો છે જેમ ઘરના બાળકને આપણે અત્યંત સાવચેતીપૂર્વક કાબુ કરીએ છીએ એ જ રીતે આ વાઇરસને કાબૂમાં કરવા માટે પણ ખૂબ જ સાવચેતી રાખવી પડશે. કેવા પ્રકારની સાવચેતી રાખવી તેનું ઉદાહરણ આપતા ડોક્ટર પટેલ જણાવે છે કે, ઘરમાં કે પડોસમાં કોઈને પણ જરા સરખા પણ કોરોનાના લક્ષણો હોવાનું જણાય તો તરત તેને હોસ્પિટલે જવાની સલાહ આપવી જોઈએ આજના સમયની આ જરૂરિયાત છે. આજ માનવતાનું સૌથી મોટું ઉદાહરણ છે. ડોક્ટર આર.કે પટેલ જણાવે છે કે આ વાયરસનો ઉપાય જ્યાં સુધી ન શોધાય ત્યાં સુધી તેને નાથવો શક્ય નથી એટલા માટે આપણે તેની સાથે જીવતા શીખવું પડશે અને આ માટે સાવધાની એ જ સૌથી મોટો કોરોનાને હરાવવાનો હથિયાર છે.
