વલસાડ જિલ્લાના પ્રભારી મંત્રીશ્રી ગણપતસિંહ વસાવા સવારે ૯-૫૦ કલાકે મોટાપોંઢા હેલીપેડ ખાતે માન. મુખ્‍યમંત્રીશ્રીના સ્‍વાગતમાં ઉપસ્‍થિત રહેશે.

માહિતી બ્‍યૂરોઃવલસાડઃ તા.૨૬: રાજ્‍યના આદિજાતિ વિકાસ, પ્રવાસન અને વન વિભાગના મંત્રીશ્રી તેમજ વલસાડ જિલ્લાના પ્રભારી મંત્રીશ્રી ગણપતસિંહ વસાવા તા.૨૭/૫/૧૭ના રોજ સવારે ૯-૫૦ કલાકે મોટાપોંઢા હેલીપેડ ખાતે માન. મુખ્‍યમંત્રીશ્રીના સ્‍વાગતમાં ઉપસ્‍થિત રહેશે. મંત્રીશ્રી સવારે ૧૦-૦૦ થી ૧૧-૧૫ દરમિયાન માન. મુખ્‍યમંત્રીશ્રીની ઉપસ્‍થિતિમાં જિલ્લાના વિકાસ કામોનું ખાતમુહૂર્ત તથા લોકાર્પણ અને ધરમપુર-કપરાડા તાલુકાના જુની શરતના નવી શરતના હુકમ તથા વન અધિકાર ધારા હેઠળના આદેશપત્રોના વિતરણ તથા જનતા કેળવણી મંડળના કૉલેજ બિલ્‍ડિંગના નામકરણ અને ઉદઘાટન કાર્યક્રમમાં હાજરી આપશે. તેઓ સવારે ૧૧-૧૫ કલાકે મોટાપોંઢા સ્‍થળેથી હેલીપેડ થઇ સવારે ૧૧-૪૦ કલાકે ગુંદલાવ હેલીપેડ ઉપર આવશે અને ૧૧-૪૫ કલાકે ધમડાચી વૈષ્‍ણોદેવી મંદિર ખાતે યોજાનાર સમૂહલગ્ન સમારોહમાં હાજરી આપશે. મંત્રીશ્રી બપોરે ૧૨-૪૫ કલાકે ધમડાચીથી રવાના થઇ બપોરે ૧-૦૦ વાગે વલસાડ સર્કિટ હાઉસ ખાતે આવશે. મંત્રીશ્રી બપોરે ૦૨-૧૫ કલાકે સર્કિટ હાઉસથી નીકળશે અને બપોરે ૩-૦૦ કલાકે ધોડીપાડા, તા.ઉમરગામ ખાતે યોજાનાર સમૂહલગ્નના કાર્યક્રમમાં હાજરી આપી કાર્યક્રમ પૂર્ણ થયે અનુકૂળતાએ સૂરત જવા રવાના થશે.