કોરોના વાયરસની સારવાર માટે દવાની શોધમાં રશિયાને સકારાત્મક પરિણામો મળ્યા છે. રશિયાના ડાયરેસ્ટ ઈન્વેસ્ટમેન્ટ ફંડ (RDIF) અને ટૉપ ફાર્મસી ગ્રુપ ChemRar એ એલાન કર્યું છે કે, Favipiravir ની દવાના ટ્રાયલમાં 60% દર્દી કોરોના વાયરસ માટે નેગેટિવ નોંધાયા. હોસ્પિટલમાં એડમિટ 40 દર્દીઓ પર રેન્ડમ ક્લિનિકલ ટ્રાયલ કરવામાં આવ્યું હતું. ટ્રિટમેન્ટના 5 દિવસ બાદ તેઓ નેગેટિવ નોંધવામાં આવ્યા.
આ પ્રૉજેક્ટ માટે RDIF એ 2 મિલિયન ડૉલરનું ફંડ આપ્યું છે. જાપાનમાં 1990ના દાયકામાં Avigan નામથી બનાવવામાં આવી હતી. તે ઈન્ફ્લુએન્ઝા જેવા RNA વાયરસોના રિપ્રોડક્શન મિકેનિઝમમાં શૉર્ટ-સર્કિટ કરી પોતાની અસર દેખાડે છે. રશિયાના એકેડેમી ઑફ સાઈન્સિસના પ્રોફેસર અને ChemRarમાં બોર્ડ ઑફ ડિરેક્ટર્સના ચેરમેન એન્ડ્રી ઈવાન્શેકો અનુસાર, મેના અંત સુધીમાં 330 દર્દીઓનું ક્લિનિકલ ટ્રાયલ થઈ જશે. હજુ ટેસ્ટિંગ જરૂરી ઈવાશેન્કોએ જણાવ્યું કે, શરૂઆતી પરિણામોમાં આ દવાની કોઈ સાઈડ ઈફેક્ટ દેખાઈ નથી.
જોકે, ગર્ભવતી મહિલાઓ પર તેનું ટેસ્ટિંગ કરાયું નથી. ખાસ વાત એ છે કે, Aviganના ઉપયોગથી જાપાનમાં બર્થ ડિફેક્ટ જોવા મળ્યા હતા. અત્યારે એ પણ કહી શકાયું નથી કે, ગંભીર રૂપથી બીમાર દર્દીઓ પર તેની કેટલી અસર થશે. ભારતની Glenmark Pharmaceuticals Ltd. પણ Favipiravirનું ટ્રાયલ કરી રહી છે. બીજી તરફ રશિયા પ્રાણીઓને વેક્સીન પ્રોટોટાઈપ ટેસ્ટ કરી રહ્યું છે.
