નવી દિલ્હી : કોરોના વાયરસને કારણે બ્રિટનમાં અમેરિકા પછીની સૌથી ગંભીર સ્થિતિ બની છે. મૃત્યુના મામલે બ્રિટન વિશ્વમાં બીજા નંબર પર પહોંચી ગયું છે, જ્યાં કોરોનામાં સૌથી વધુ મૃત્યુ થયા છે. અત્યાર સુધીમાં 33,998 લોકોએ જીવ ગુમાવ્યો છે, જ્યારે 2 લાખ 36 હજાર 711 લોકોને કોરોનાથી ચેપ લાગ્યો છે. ખાસ વાત એ છે કે, બ્રિટનમાં ચેપના કુલ દર્દીઓની સંખ્યા સ્પેન અને રશિયા કરતા ઓછી છે.
વર્લ્ડમીટર મુજબ, વિશ્વમાં અમેરિકા પછી સ્પેન અને રશિયામાં કોરોનાના દર્દીઓ સૌથી વધુ છે. અહીં દર્દીઓની સંખ્યા અનુક્રમે 2,74,367 અને 2,62,843 છે. બ્રિટન કરતા સ્પેન અને રશિયામાં ચેપગ્રસ્ત લોકોની સંખ્યા વધુ છે પરંતુ આ બંને દેશોમાં રિકવરી દર સારો છે. મૃત્યુની બાબતમાં સ્પેન વિશ્વમાં પાંચમાં ક્રમે છે જ્યારે રશિયા 18 માં ક્રમે છે.
વિશ્વમાં કોરોનામાં સૌથી વધુ મોત કયાં થયા છે
અમેરિકા – 88,507 મૃત્યુ.
બ્રિટન – 33,998 મૃત્યુ.
ઇટાલી – 31,610 મૃત્યુ.
ફ્રાન્સ – 27,529 મૃત્યુ.
સ્પેન – 27,459 મૃત્યુ
બ્રાઝિલ – 14,817 મૃત્યુ.
બેલ્જિયમ – 8,959 મૃત્યુ
જર્મની – 8,001 મૃત્યુ
ઈરાન – 6,902 મૃત્યુ.
નેધરલેન્ડ્ઝ – 5,643 મૃત્યુ.