એક તરફ તો ગુજરાત માં અંતર્ગત આંતરરાષ્ટ્રીય કક્ષા ના બસ ટર્મિનલ બનાવવામાં આવે છે તો વલસાડ સાથે અન્યાય કેમ ?

G.S.R.T.C નું પી.પી.પી પ્રોજેક્ટ અંતર્ગત આંતરરાષ્ટ્રીય કક્ષા નું બસ ટર્મિનલ,મનોરંજન હબ,તથા શોપિંગ સેન્ટર જેવી અવનવી ટેક્નોલોજી સુવિધા થી સજ્જ નવસારી ખાતે ગત તારીખ 26 મેં ના રોજ નાયબ મુખ્ય મંત્રી નીતિન પટેલ ના હસ્તક ખાતમુરત કરવામાં આવ્યું હતું, હાલ નવસારી જિલ્લા નું મુખ્ય ડેપો ગુજરાત ના વિકાસ માં વિકાસ ની હોર માં ચાલી પડ્યું છે ત્યારે દક્ષિણ ગુજરાત નું મુખ્ય દ્વાર સમાન હંમેશા વિકાસ ના નામે વલખા મારતું વલસાડ શહેર ને ફરી એક વખત લીબું મળ્યું હોય તેવું પ્રતીક થઈ રહ્યું છે કારણ કે વલસાડ એસ.ટી ડેપો માં વિકાસ ના નામ પર ફક્ત આંદોલન,કે બહિષ્કારજ જોવા મળ્યો છે, હાલ વલસાડ ની ખખડધજ જર્જરિત ડેપો મકાન પર ના તૂટેલા પતરા નું સમારકામ ચાલી રહ્યો છે, કારણ કે ચોમાસા દરમ્યાન ડેપો ના છત માં પાણી ભરાતા તમામ ડેપો પરિસર માં લીકેજ ના પ્રશ્ન ને લઇ મુસાફરો પરેશાન બને છે ત્યારે હાલ તો વિકાસ ના નામે વલસાડ ડેપો ને લીબું મળ્યું હોય અને ફક્ત ડેપો છત ના પતરા બદલી વિકાસ કરવાની છબી  બતાડી વલસાડ ના મુસાફરો ને ફરી એક વખત સરકાર શ્રી તરફ થી લીબું મળ્યું હોય તેવું દેખાય આવે છે.