કોરોના લોકડાઉનના કારણે બિઝનેસને થયેલા નુકસાનને સરભર કરવા માટે TVS મોટર કંપનીએ પોતાના કર્મચારીઓના પગારમાં મે મહિનાથી 20% નો ઘટાડો કર્યો છે. દ્વિચક્રી વાહનો બનાવતી આ દિગ્ગજ કંપનીએ મેથી લઈને ઓક્ટોબર સુધી ઓફિસર સ્તરના કર્મચારીઓના પગારમાં કાપ મુકવાનો નિર્ણય કર્યો છે. કંપની એન્ટ્રી લેવલના કર્મચારીઓની સેલેરી નહીં કાપે. TVS મોટર પહેલા ઘણી કંપનીઓ કર્મચારીઓના પગારમાં કાપનું પગલું ઉઠાવી ચૂકી છે.
TVS મોટર કંપનીના પ્રવક્તાએ કહ્યું કે, ‘અણધાર્યા સંકટને જોતા કંપની 6 મહિના (મેથી ઓક્ટોબર, 2020) માટે જુદા-જુદા સ્તરના કર્મચારીઓના પગારમાં અસ્થાયી કાપ કરવા જઈ રહી છે.’ પ્રવક્તાએ એમ પણ કહ્યું કે, નીચલા દરજ્જાના કર્મચારીઓના પગારમાં કોઈ ઘટાડો નહીં કરવામાં આવે. પગારમાં કાપની વિસ્તૃત જાણકારી આપતા પ્રવક્તાએ કહ્યું કે, જૂનિયર એક્ઝિક્યુટિવ લેવલ પર પગારમાં 5% નો ઘટાડો કરવામાં આવશે, જ્યારે કે સીનિયર મેનેજમેન્ટ લેવલના કર્મચારીઓના પગારમાં 15-20% નો ઘટાડો કરાશે.
