નવી દિલ્હી : ગૂગલે પ્લે સ્ટોર નીતિઓનું ઉલ્લંઘન કરવા બદલ તેના પ્લેટફોર્મ પરથી ડિજિટલ વોલેટ એપ્લિકેશન મોબીક્વિક (MobiKwik)ને દૂર કરી છે. ગુગલના આ કડક વલણને જોતા મોબીક્વિકના સીઈઓ બિપિન પ્રીત સિંહે ટ્વિટર દ્વારા જણાવ્યું હતું કે, તેની મોબિકવિક એપ્લિકેશનને પ્લે સ્ટોર પરથી હટાવી દેવામાં આવી છે કારણ કે એપ્લિકેશનને આરોગ્ય સેતુ એપ્લિકેશન સાથે જોડી હતી. અમે આ આરબીઆઈની ગાઇડલાઇન્સને ધ્યાનમાં રાખીને કર્યું, જેથી વધુને વધુ લોકોને આરોગ્ય સેતુ મોબાઇલ એપ્લિકેશનથી વાકેફ કરી શકાય.
Hey @GoogleIndia @GooglePlay you removed @MobiKwik app from play store because we had a link to Aarogya Setu app. We were asked to do this by regulators ( @RBI ) and understand it’s in public health interest. You have too much power ! Cc @CCI_India @amitabhk87 @PMOIndia @rsprasad pic.twitter.com/ftv5KIZCAy
— Bipin Preet Singh (@BipinSingh) May 28, 2020
મોબીક્વિકના સીઈઓ બિપિન પ્રીત સિંહે કરેલા ટ્વિટ બાદ હવે મોબીક્વિક એપ્લિકેશનને આરોગ્ય સેતુની લિંક વિના પ્લે સ્ટોર પર ઉપલબ્ધ કરાઈ છે. વપરાશકર્તાઓ હવે આ એપ્લિકેશનને ડાઉનલોડ અને ઉપયોગ કરી શકે છે.