69000 સહાયક શિક્ષક ભરતી ના કૌભાંડ ને પકડવા માં 3 IPS ને મળી સફળતા

યુપીમાં 69000 શિક્ષક સહાયક ભરતીની ટોપરોની યાદીમાં કેટલાક નામો એવા હતા, જેમના પર હજારો ઉમેદવારોએ સવાલ ઉઠાવ્યા હતા. 150 અંકમાંથી 140 અંક મેળવનારાઓમાં કોઈ ગાડી ચાલક તો કોઈ ડીજે વાળો હતો. ફરિયાદ મળી તો પ્રયાગરાજના કેપ્ટન સત્યાર્થ અનિરુદ્ધ પંકજ, અશોક વેંકટ અને અનિલ યાદવ જેવા ત્રણ IPS તે કેસમાં સંકળાયા ત્યારે આ કૌભાંડ કરનારા રેકેટનો ખુલાસો થઈ શક્યો. પોલીસ ઓફિસરોએ સર્વિલાન્સ સહિત અત્યાધુનિક ટેકનિકનો ઉપયોગ કર્યો. CBIની રીતે આરોપીઓને કસ્ટડીમાં લઈ પૂછપરછ કરવામાં આવી. છાપો મારવામાં IPS ઓફિસર હોવાને કારણે કોઈના પર કોઈ સવાલ ના ઉઠ્યા. ડૉક્ટર અને લેખપાલને પણ પોલીસે કસ્ટડીમાં લઈ લીધા. કાર્યવાહી ઝડપી બનાવવામાં આવી અને કૌભાંડ કરનારાઓની સ્ટોરી સામે આવી ગઈ. હવે આ કેસની તપાસ STFને આપી દેવામાં આવી છે. એવામાં STFની સામે મોટો પકડાર છે. હજુ આ ગેંગમાં સામેલ સ્કૂલ પ્રબંધક, અકાઉન્ટન્ટ, દલાલ અને આરોપી ઉમેદવારોની ધરપકડ બાકી છે.
69000 સહાયક શિક્ષક ભરતીમાં અન્ય ઉમેદવારો ડૉ. કૃષ્ણ લાલ પટેલ વિરુદ્ધ કૌભાંડ કરવાનો આરોપ તો લગાવી રહ્યા હતા, પરંતુ કોઈ આગેવાની લઈને કેસ દાખલ કરાવવા માટે તૈયાર નહોતું. જે ઉમેદવારો પાસેથી આ ગેંગના સભ્યોએ લાખો રૂપિયા વસૂલ્યા હતા, તેઓ પણ ડરના માર્યા સામે નહોતા આવી રહ્યા. 4 જુનના રોજ જ્યારે પ્રતાપગઢના એક ઉમેદવાર રાહુલ સિંહે SSPનો સંપર્ક કર્યો તો તાત્કાલિક કાર્યવાહી શરૂ થઈ ગઈ. SSP સત્યાર્થ અનિરુદ્ધ પંકજે રાહુલની અરજી પર સોરાંવ પોલીસ સ્ટેશનમાં કેસ દાખલ કરાવ્યો.
SSPએ શિક્ષણ જગતના પાયામાં જ કૌભાંડ કરીને ઈમાનદાર, પરિશ્રમી ઉમેદવારોનો હક છીનવનારા માફિયાઓનું તંત્ર ધ્વસ્ત કરવા માટે SSP અશોક વેંકટ અને અનિલ યાદવને કામ સોંપ્યું. થોડાં જ કલાકોમાં પરિણામ આવવાના શરૂ થઈ ગયા. શરૂઆતમાં જ પોલીસે એક કારમાં જઈ રહેલા 6 સંદિગ્ધોને સાડા સાત લાખ રૂપિયા સાથે કસ્ટડીમાં લઈ લીધા. ત્રણેય પોલીસ ઓફિસરોએ સર્વેલન્સની સાથે અત્યાધુનિક ટેકનિકનો ઉપયોગ કર્યો. પોલીસ ઓફિસરોએ CBIની જેમ ગેંગમાં સામેલ ડૉ. કૃષ્ણ લાલ પટેલ, સ્કૂલ સંચાલક લલિત ત્રિપાઠી અને અકાઉન્ટન્ટ સંતોષ બિંદુને કસ્ટડીમાં લઈને પૂછપરછ કરી અને 22 લાખ કરતા વધુ કેશ જપ્ત કરી લીધી.