ભગવાનની કેવી લીલા છે કે હવે શવને દફનાવવા માટે જગ્યા પણ નથી રહી !

સંક્રમણ અને મોતાની સંખ્યામાં બ્રાઝીલ સમગ્ર વિશ્વમાં બીજા નંબરે છે. અહીં અમેરિકા પછી સૌથી વધુ સંક્રમિત છે. મૃત્યુ પામનારાઓની સંખ્યા પણ અમેરિકા બાદ સૌથી વધુ થઈ ગઈ છે. જો કે એપ્રિલમાં કોરોનાવાઈરસને સામાન્ય ફ્લૂ માનનાર રાષ્ટ્રપતિ જાયર બોલ્સોનારોની સરકાર હવે આંકડાઓ છૂપાવી રહી છે. સાઉ પાઉલોના કબ્રસ્તાનમાં નવા શબ દફનાવવાની પણ જગ્યા નથી. આ કારણે અહીં જૂની કબરોને ખોદીને નવી લાશો દફનાવવામાં આવી રહી છે. સાઓ પાઉલોની મ્યુનિસિપલ કોર્પોરેશનના એક નિવેદનમાં જણાવવામાં આવ્યું છે કે, નવી લાશોને દફનાવવાની જગ્યા જ ઓછી છે. આ કારણે જૂની કબરોને ફરીથી ખોદવામાં આવી રહી છે. નિવેદનમાં કહેવામાં આવ્યું છે કે, જે કબરો ત્રણ કે તેનાથી વધુ જૂની છે તેને ફરીથી ખોદવામાં આવી રહી છે. તેમાંથી મળેલા અવશેષોને નંબર લખેલી બેગ્સમાં મૂકવામાં આવી રહ્યાં છે. 15 દિવસમાં આ અવશેષ કોઈ કબ્રસ્તાનને આપવામાં આવશે ત્યાં તેને કબરમાં ડાટી દેવામાં આવશે.