બાપરે/ 60 હજાર મધમાખીઓથી ઢંકાઈ જાય છે તો પણ આ વ્યક્તિને કંઈ થતું નથી !

કેરળના યુવક નાનપણથી મધમાખી સાથે અલગ જ લગાવ છે, આપણે બધા ભલે મધમાખીના ડંખથી ડરીએ પણ આ યુવક માટે તો મધમાખી તેની દોસ્ત છે. તેને મધમાખી પર એટલો બધો વિશ્વાસ છે કે, તે ઓછામાં ઓછી 60 હજાર મધમાખીને પોતાના ચહેરા પર બેસવા દે છે. 5 કલાક,10 મિનિટ અને 5 સેકન્ડ સુધી મધમાખીથી પોતાનો ફેસ કવર કરીને બેસી ગિનિસ વર્લ્ડ રેકોર્ડ પણ બનાવ્યો છે. નતુરના પિતા સંજયકુમાર અવોર્ડ-વિનિંગ મધમાખી ઉછેરનાર અને મધ બનાવનાર વ્યક્તિ છે. નતુર શરૂઆતમાં તેના હાથ પર મધમાખીને ભેગી કરતો, આ મધમાખી તેની રાણીને શોધવા એક પછી એક ભેગી થઇ જતી અને તે પછી તેણે આ જ પ્રયોગ પોતાના મોંઢા પર પણ ચાલુ કર્યો. નતુરે મીડિયાને કહ્યું કે, મારા પિતા હંમેશાં મને સલાહ આપે છે કે, મધમાખી સાથે એકદમ શાંત વ્યવહાર કરવો અને તેને એક મિત્ર જ ગણવી. ક્યારેક અંદર ડર ના રાખવો અને ઊંડા શ્વાસ લેવાના ચાલુ રાખવા. શરૂઆતમાં આ બધું સામાન્ય નહોતું, પણ મધમાખી ફેસ પર બેસે તો મને ક્યારેય ખરાબ નહિ પણ સારું જ લાગ્યું છે.