દેશમાં 12 પ્રાઈવેટ ટ્રેનોનો પહેલો બેઝ વર્ષ 2023માં ચાલુ કરી દેવામાં આવશે અને તેના આગળના નાણાંકીય વર્ષમાં આવી 45 ટ્રેનો ચાલુ કરવામાં આવશે. આ બાબતે ભારતીય રેલવેના એક અધિકારીએ જણાવ્યું કે, એવી 151 સંપૂર્ણ રીતે ખાનગી ટ્રેનો પોતાના પૂર્વનિર્ધારિક કાર્યક્રમ મુજબ વર્ષ 2027 સુધી ચાલુ થઈ જશે. રેલવેએ પોતાના નેટવર્ક પર ખાનગી કંપનીઓની મુસાફરી માટે ટ્રેન ચલાવવા અનુમતિ દેવાની તેમની યોજનાને ઔપચારિક રીતે આગળ વધારવા માટે આ મહિનાની શરૂઆતમાં દેશભરમાં 109 જોડી રૂટોમાં 151 આધુનિક યાત્રી રેલગાડીઓ ચલાવવાના પ્રસ્તાવને સ્વીકાર્યો છે. ખાનગી રેલગાડીઓ સંબંધે રેલવેની યોજના 2022-23 માં આવી 12 રેલવે ચલાવવાની છે. આ પછીથી વર્ષ 2023-24માં 45, વર્ષ 2025-26માં 50 અને આગળના વર્ષમાં 44 ટ્રેનો ચલાવવાની યોજના છે. આ રીતે વર્ષ 2026-27 સુધી કુલ 151 ટ્રેનો ચાલુ કરવામાં આવશે. આ બાબતે 8 જુલાઈએ જારે કરેલા યોગ્યતા માટે નવેમ્બર સુધીમાં અંતિમ રૂપ આપવાનું અનુમાન છે. અને નાણાંકીય બીડ માર્ચ 2021 સુધી ખોલવામાં આવશે. આ પછીથી 31 એપ્રિલ 2021 સુધી ભરાયેલા ટેન્ડરોમાંથી સિલેક્શન થશે. અધિકારીએ કહ્યું કે કુલ આવકમાં વધારે ઊંચી બીડ ભરનારાનું ટેન્ડર પાસ કરીને આ પ્રોજેક્ટ આપવામાં આવશે.આ બાબતમાં એક વરિષ્ઠ અધિકારીએ જણાવ્યું હતું કે, “અમે એક યોજના તૈયાર કરી છે, જેની હેઠળ અમે ખાનગી રેલ્વે કામગીરી શરૂ કરવાની અપેક્ષા રાખીએ છીએ. માર્ચ 2021 સુધીમાં ટેન્ડર ફાઇનલ કરવામાં આવશે અને 2023 માર્ચથી ટ્રેનો કાર્યરત થઈ જશે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.