મહારાષ્ટ્રના સોલાપુર જીલ્લાના શેતફલ ગામમાં લોકો સાપ પાળે છે, નાના બાળકો રોજ હાથમાં સાપ લઇને રમકડાની જેમ રમતા દેખાય છે. રસ્તા પર આમ તેમ બસ કોબ્રા સાપ જ ફરતા દેખાય છે, સાપ જોવા ન મળતો હોય એવું ભાગ્યે જ કોઇ ઘર જોવા મળે છે. સાપ ઘરમાં રહી શકે તે માટે લોકો ઘરમાં જ દર બનાવે છે. ઘરની છત પર કાણા પાડે છે જેની મદદથી સાપ સરળતાથી હરી ફરી શકે છે. ગામ લોકો કોબ્રા સાપની ઘરના સ્વજનની જેમ કાળજી રાખે છે. સાપને કરંડિયા કે ટોપલામાં કેદ કરતા નથી પરંતુ મુકત રીતે ફરવા દે છે. સાપ પણ પેઢી દર પેઢી માણસો સાથે રહેવા ટેવાઇ ગયા છે. શેતફલ ગામની કુલ વસતી 2300 લોકોની છે જેમાં 557 પરીવારો વસવાટ કરે છે. દરેક ઘરે સરેરાશ બે થી ત્રણ સાપ પાળવામાં આવે છે. નવાઇની વાત તો એ છે કોબ્રા વિશ્વમાં સૌથી ઝેરી સાપ ગણાતો હોવા છતાં આજ સુધી સાપ કરડવાની એક પણ ઘટના બની નથી. ગામ લોકો સાપને દેવતાની જેમ પૂજે છે. નાગદેવતાના એક કરતા વધારે નાના મોટા મંદિરો પણ બનાવ્યા છે. ગામ લોકોનું માનવું છે કે સાપને અમે પરેશાન કરતા નથી આથી અમને પણ તે કશું નુકસાન કરતા નથી.સાપ અને માણસોનું સહ અસ્તિત્વ ધરાવતું આ અનોખું ગામ જોવા બહારથી પર્યટકો પણ આવે છે. ઉનાળાની ગરમી પછી ચોમાસામાં વરસાદ પડે પછી જમીનના જીવજંતુઓ બહાર નિકળે છે એ સમયે સાપ પણ વધુ સંખ્યામાં જોવા મળે છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.