વલસાડ જીલા માં પડી રહેલા વરસાદ અને ઉપરવાસ ના વરસાદ ને પગલે પાણી ની આવક વધતા અહીંની નદીઓ બે કાંઠે વહેતા 8 જેટલા ગામો સંપર્ક વિહોણા બની ગયા છે ત્યારે હજુ પણ ભારે વરસાદ ની આગાહીને લઈને વલસાડનું વહિવટી તંત્ર સજ્જ બની ગયું છે. અધિકારીઓને હેડક્વાર્ટર નહીં છોડવા આદેશ પણ આપી દેવામાં આવ્યા છે. જિલ્લા કલેક્ટર દ્વારા આદેશ અપાયા છે, ત્યારે વલસાડમાં NDRFની બે ટીમ સ્ટેન્ડ બાય રાખવામાં આવી છે.
વલસાડ જિલ્લામાં મેઘમહેર યથાવત રહેતા વિતેલા 24 કલાકમાં ઉમરગામ, ધરમપુર, કપરાડામાં 4 ઈંચ વરસાદ ખાબક્યો છે. પારડીમાં 6.72 ઈંચ, વાપી-વલસાડમાં 4 ઈંચમાં વરસાદ ખાબક્યો છે. કોલક, દમણગંગા, પાર અને ઔરંગા નદીઓ બે કાંઠે વહી રહી છે, વલસાડ માં વરસાદી માહોલ જામતા જનજીવન પ્રભાવિત બન્યું છે.
