IPL 2026: ડેબ્યૂ મેચમાં જ આ 22 વર્ષીય ઓલરાઉન્ડરે મચાવી તબાહી, જાણો કોણ છે કૂપર કોનોલી?

IPL 2026: 22 વર્ષના ઓલરાઉન્ડર કૂપર કોનોલીનો ડેબ્યૂમાં જ ધમાકો, જાણો કોણ છે પંજાબનો આ નવો ‘મેક્સવેલ’

IPL 2026 ની સીઝનને તેનો નવો સુપરસ્ટાર મળી ગયો હોય તેવું લાગી રહ્યું છે. પંજાબ કિંગ્સ તરફથી રમતા 22 વર્ષીય ઓસ્ટ્રેલિયન ઓલરાઉન્ડર કૂપર કોનોલીએ પોતાના ડેબ્યૂ મેચમાં જ એવી રમત બતાવી કે આખું સ્ટેડિયમ તેના નામના નારા લગાવવા લાગ્યું. ગુજરાત ટાઇટન્સ સામેની રોમાંચક મેચમાં કોનોલીએ અણનમ 72 રન ફટકારીને પંજાબને 3 વિકેટે શાનદાર જીત અપાવી હતી.

ડેબ્યૂ મેચમાં જ ‘પ્લેયર ઓફ ધ મેચ’

મુલ્લાંપુરના મહારાજા યાદવિંદર સિંહ ઇન્ટરનેશનલ સ્ટેડિયમમાં રમાયેલી આ મેચમાં જ્યારે ગુજરાત ટાઇટન્સના 162 રનનો પીછો કરવા પંજાબની ટીમ મેદાનમાં ઉતરી ત્યારે શરૂઆતમાં જ પહેલી વિકેટ પડી ગઈ હતી. આ સમયે કેપ્ટન શ્રેયસ અય્યરે યુવા કોનોલી પર ભરોસો મૂકી તેને નંબર-3 પર બેટિંગ માટે મોકલ્યો હતો.

કોનોલીએ આ તકનો પૂરો ફાયદો ઉઠાવ્યો અને માત્ર 44 બોલમાં અણનમ 72 રન ઝૂડી કાઢ્યા. પોતાની ઇનિંગ દરમિયાન તેણે 5 ચોગ્ગા અને 5 ગગનચુંબી છગ્ગા ફટકારીને ગુજરાતના બોલરોને લાચાર કરી દીધા હતા. તેણે 20મી ઓવરના પહેલા જ બોલે ચોગ્ગો ફટકારીને પંજાબને વિજયી બનાવ્યું હતું. આ શાનદાર પ્રદર્શન માટે તેને ‘પ્લેયર ઓફ ધ મેચ’ જાહેર કરવામાં આવ્યો હતો.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

પંજાબ કિંગ્સે 3 કરોડમાં ખરીદ્યો હતો

તમને જણાવી દઈએ કે IPL 2026 ના ઓક્શનમાં પંજાબ કિંગ્સે આ ટેલેન્ટેડ ખેલાડીને 3 કરોડ રૂપિયા ખર્ચ કરીને પોતાની ટીમમાં સામેલ કર્યો હતો. કોનોલીની આક્રમક બેટિંગ અને ઉપયોગી સ્પિન બોલિંગને જોતા તેને ઓસ્ટ્રેલિયા અને પંજાબ કિંગ્સ બંનેમાં ગ્લેન મેક્સવેલના લાંબા ગાળાના વિકલ્પ તરીકે જોવામાં આવી રહ્યો છે.

Leading the charge for @PunjabKingsIPL 💪

Cooper Connolly brings up his maiden #TATAIPL fifty on debut🔝#PBKS need 38 from 29 deliveries.

Updates ▶️ https://t.co/75rCxTCOL1#KhelBindaas | #PBKSvGT pic.twitter.com/PPPnlefD2N

— IndianPremierLeague (@IPL) March 31, 2026

કૂપર કોનોલીની અત્યાર સુધીની સફર

વેસ્ટર્ન ઓસ્ટ્રેલિયા માટે ઘરેલું ક્રિકેટ રમતા કોનોલીએ ખૂબ જ નાની ઉંમરે આંતરરાષ્ટ્રીય સ્તરે પણ પોતાની ઓળખ બનાવી છે.

1. રોલ મોડલ: તે ઓસ્ટ્રેલિયાના પૂર્વ દિગ્ગજ બેટ્સમેન શૉન માર્શને પોતાનો આદર્શ માને છે.
2. આંતરરાષ્ટ્રીય કરિયર: તેણે અત્યાર સુધી 1 ટેસ્ટ, 8 વનડે અને 11 ટી20 આંતરરાષ્ટ્રીય મેચો રમી છે.
3. યાદગાર પ્રદર્શન: વનડેમાં તેના નામે 6 વિકેટ છે, જેમાંથી 5 વિકેટ તો તેણે દક્ષિણ આફ્રિકા સામેની એક જ મેચમાં ઝડપી હતી.
4. વર્લ્ડ કપનો અનુભવ: કોનોલી 2026 ના આઈસીસી મેન્સ ટી20 વર્લ્ડ કપ માટે પણ ઓસ્ટ્રેલિયન ટીમનો ભાગ રહ્યો હતો.

A memorable start for the young Australian in the @PunjabKingsIPL colors 😍

Cooper Connolly is adjudged the Player of the Match on his #TATAIPL debut 🌟

Scorecard ▶️ https://t.co/75rCxTCOL1#KhelBindaas | #PBKSvGT pic.twitter.com/5JmVoTz6DW

— IndianPremierLeague (@IPL) March 31, 2026

ટી20 માં પ્રભાવશાળી રેકોર્ડ

IPL માં પદાર્પણ કરતા પહેલા કોનોલીએ 52 ટી20 મેચોનો અનુભવ મેળવ્યો હતો, જેમાં તેણે 870 રન બનાવવાની સાથે 30 વિકેટ પણ ઝડપી હતી. તેની આ ઓલરાઉન્ડ ક્ષમતા જ તેને ખાસ બનાવે છે.

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

આઈપીએલ ફાઇનલમાં હાર બાદ શુભમન ગિલ ભાવુક: કહ્યું- ‘ટ્રોફીની આટલી નજીક આવીને હારવાનું મોટું દર્દ છે, નિરાશા ભારે પડી’