ઈરાનનો દાવો: શું અમેરિકાનું અભિમાન ગણાતું F-35 ફાઈટર જેટ હવે સુરક્ષિત નથી?
અત્યારે ગ્લોબલ ડિફેન્સની દુનિયામાં એક સમાચાર ખૂબ જ ચર્ચામાં છે અને તે છે અમેરિકાના સૌથી શક્તિશાળી ફાઈટર જેટ F-35 ને તોડી પાડવાનો ઈરાનનો દાવો. ઈરાને દાવો કર્યો છે કે તેણે છેલ્લા 15 દિવસમાં અમેરિકાના બે F-35 ફાઈટર જેટને નિશાન બનાવ્યા છે. સોશિયલ મીડિયા પર આ અંગેના કેટલાક વીડિયો પણ વાયરલ થયા છે, જેમાં આ અત્યાધુનિક જેટ હવામાં આગનો ગોળો બનતું જોવા મળી રહ્યું છે. જે વિમાનને દુનિયાનું સૌથી સુરક્ષિત અને ‘અદ્રશ્ય’ (Stealth) માનવામાં આવે છે, તેને ઈરાને સામાન્ય હથિયારોથી કેવી રીતે પાડી દીધું, તે હવે એક મોટો પ્રશ્ન બની ગયો છે.
F-35ની વિશેષતા અને અમેરિકાનું ગર્વ
F-35 એ પાંચમી પેઢીનું (5th Generation) એવું ફાઈટર જેટ છે જેની કિંમત અંદાજે 1200 કરોડ રૂપિયા છે. તેની સૌથી મોટી ખાસિયત તેની સ્ટીલ્થ ટેકનોલોજી છે, જેના કારણે તે દુશ્મનના રડારમાં પકડાતું નથી. અમેરિકા આ વિમાન પર ખૂબ જ ગર્વ કરે છે કારણ કે તે માત્ર લડાયક વિમાન નથી, પરંતુ હવામાં ચાલતું એક અત્યાધુનિક કમ્પ્યુટર છે. આમ છતાં, ઈરાન જેવી શક્તિએ તેને નિશાન બનાવ્યું હોવાનો દાવો કરતા સંરક્ષણ નિષ્ણાતોમાં ખળભળાટ મચી ગયો છે.
ઈરાને આ પરાક્રમ કેવી રીતે કર્યું?
આ ઘટના પાછળ બે મુખ્ય કારણો અને અટકળો સામે આવી રહી છે જે ચોંકાવનારી છે:
ચીની એન્જિનિયરની ફોર્મ્યુલા: અહેવાલો મુજબ, ચીનના એક એન્જિનિયરે તાજેતરમાં એક વીડિયો બનાવ્યો હતો જેમાં F-35ની નબળાઈઓ દર્શાવવામાં આવી હતી. આ વીડિયોમાં સમજાવવામાં આવ્યું હતું કે કેવી રીતે મોંઘા રડાર વગર પણ, ઓછી કિંમતના ઇન્ફ્રારેડ સેન્સર્સ અને મોબાઇલ લોન્ચર્સ દ્વારા આ વિમાનને ટાર્ગેટ કરી શકાય છે. ઈરાને આ ટેકનિકનો ઉપયોગ કર્યો હોવાની પ્રબળ શક્યતા છે.
ગ્રાઉન્ડ ફાયરિંગ અને ટેકનિકલ નુકસાન: 19 માર્ચની ઘટના અંગે એવું કહેવામાં આવી રહ્યું છે કે ઈરાને એવા પ્રકારનું ફાયરિંગ કર્યું જેનાથી જેટનું સંતુલન બગડ્યું હતું. જોકે પાઇલટે ઇમરજન્સી લેન્ડિંગ કરાવ્યું હતું, પરંતુ અમેરિકી સંરક્ષણ મંત્રાલયના મતે હવે તે વિમાન ફરીથી ઉપયોગમાં લઈ શકાય તેમ નથી.
