ગઢડા સ્વામિનારાયણ મંદીરના વિવાદ વચ્ચે સ્ત્રીઓના સન્માનને ઠેસ પહોંચે તેવી ઘૃણાસ્પદ ઘટના સામે આવી છે. ગઢડાના મોટી બાનો ઓટલામાં વર્ષોની પરંપરા પ્રમાણે સ્વામીનારાયણ ધર્મની સન્યાસી પૂજા કરે છે. જોકે આ વર્ષોની પરંપરા તોડવામાં આવતા પૂજા કરતી બહેનોને હટાવવામાં લાવ્યા હતા. અને આ માટે બાઉન્સરને લાવવામાં આવ્યા હતા. આચાર્ય પક્ષ 22 વર્ષથી સત્તામાં હતો છતાં આ પરંપરામાં કોઈ છેડછાડ થઈ ન હતી. ગઢડા સ્વામિનારાયણ મંદિરમાં મહિલા સાધ્વીનો આપત્તિજનક વીડિયો વાયરલ થતા ખળભળાટ મચી જવા પામ્યો છે. મહિલા સાધ્વીનો બાથરૂમનો વીડિયો સોશિયલ મીડિયામાં વાયરલ થયો છે.
પરંતુ દેવ પક્ષે બાઉન્સરો બોલાવી બહેનોને પૂજા કરતા રોકી છે. જે બાદ આઇજી, ડીઆઇજી સહિતના પોલીસ કાફલાને સાથે રાખી ઓટલો સીલ કરવામાં આવ્યો હતો. આ વિસ્તારમાં સીસીટીવી કેમેરા પણ લગાડવામાં આવેલા છે. જ્યાં બાજુમાં અવાવરૂ જગ્યામાં રાત્રે સ્વામીનારાયણની બહેનો કુદરતી હાજતે જાય છે, ત્યારે કુદરતી હાજતે જતાં ફોટા અને વીડિયો પણ વાયરલ થયા છે. જેના કારણે હરિભક્તોમાં મોટો ઉહાપોહ થયો છે. મંદિરના સંતે મહિલા સાઘ્વીનો વીડિયો વાયરલ કર્યો છે. સંતોએ મહિલા સાધ્વીના પેશાબ કરતો વીડિયો બનાવ્યો હતો. દેવપક્ષ અને આચાર્ય પક્ષના રાજકારણ વચ્ચે સંતે મર્યાદા નેવે મુક્કી હોવાનું ચર્ચાઈ રહ્યુ છે.
મંદિરના સંતોએ સાંખ્યોગી મહિલાનો બાથરૂમ કરવા ગયા તેના સીસીટીવી ફૂટેજ વાયરલ કર્યા હોવાના આક્ષેપો થઈ રહ્યાં છે. મંદિરમાં બે પક્ષોના રાજકારણ વચ્ચે સંતોએ મર્યાદાને નેવે મૂકી છે. ગઢડા સ્વામીનારાયણ ટેમ્પલમાં મોટી બાનું મંદિર છે. જેની પૂજી માટે સાંખ્યોગી મહિલાઓ રહે છે. આ એક લાગણી સાથે જોડાયેલો વિષય છે.. 23મી ઓગસ્ટના વીડિયો 25મી ઓગસ્ટે વાયરલ કરાયા છે. ગઢડા પોલીસમાં આ અંગેની એક અરજી પણ કરાઈ હોવાના આક્ષેપો છે. પરતું આ બાબતે ફરિયાદની કાર્યવાહી ચાલી રહી છે. આ અંગે માનવ અધિકાર પંચ અને મહિલાઆયોગમાં પણ ફરિયાદ થાય તો નવાઈ નહીં.
