નવી દિલ્હી : ચૈન્નાઈ સુપર કિંગ્સ (CSK) અને મુંબઈ ઇન્ડિયન્સ (MI) વચ્ચે મુકાબલા સાથે ઇન્ડિયન પ્રીમિયર લીગ (IPL) 2020ની શરૂઆત થશે. આ વર્ષે ટૂર્નામેન્ટ 29 માર્ચથી રમવાની હતી, પરંતુ કોરોના વાયરસના ભયને કારણે તે મુલતવી રાખવામાં આવી હતી. હવે આ ટુર્નામેન્ટનું આયોજન સંયુક્ત આરબ અમીરાત (યુએઈ) માં કરવામાં આવી રહ્યું છે. જે 19 સપ્ટેમ્બરથી 10 નવેમ્બર સુધી રમાશે.
બોર્ડના સૂત્રોએ જાણીતા મીડિયાને જણાવ્યું હતું કે, ઉદઘાટન મેચમાં ફેરફાર કરવાની કોઈ યોજના નથી. ભારતીય ક્રિકેટ બોર્ડ (બીસીસીઆઈ) મહેન્દ્રસિંહ ધોની અને રોહિત શર્માની આગેવાની હેઠળની ટીમો વચ્ચે હરીફાઈ કરીને આઈપીએલની 13 મી આવૃત્તિ શરૂ કરવા જઈ રહી છે. ગત સીઝનની વિજેતા ટીમ મુંબઈ ઈન્ડિયન્સ છે, જ્યારે ચૈન્નાઈ સુપર કિંગ્સ રનર્સ અપ હતી.
બીસીસીઆઈ શનિવાર સુધીમાં બહુ રાહ જોઈ રહ્યું હતુ આઈપીએલ 2020 શેડ્યૂલની ઘોષણા કરી શકે છે. આ વખતે આ ટૂર્નામેન્ટ 19 સપ્ટેમ્બરથી 10 નવેમ્બર સુધી રમાશે. આઈપીએલની 60 મેચ ત્રણ સ્થળો દુબઈ, અબુધાબી અને શારજાહમાં 53 દિવસ સુધી રમાશે.
ચૈન્નાઈ સુપર કિંગ્સ (સીએસકે) ના બે ખેલાડીઓ અને 11 સપોર્ટ સ્ટાફ ટુર્નામેન્ટ શરૂ થાય તે પહેલા કોરોના પોઝિટિવ હોવાનું જાણવા મળ્યું છે. માનવામાં આવે છે કે આને કારણે બીસીસીઆઈનું શેડ્યૂલ પણ મોડું થયું હતું. જોકે, હવે આ તમામ સભ્યોનો કોરોના રિપોર્ટ નેગેટિવ આવ્યો છે.