અમારા પર રહમ કરો, આટલો મોટો દંડ અમે ચૂકવીએ તો કોરોના સામેની હાલની લડત અમારે પડતી મૂકવી પડશે: PM ઈમરાન ખાન

આતંકવાદના અડ્ડા સમાન પાકિસ્તાનને ઇન્ટરનેશનલ ટ્રીબ્યુનલે 8.5 અબજ ડૉલર્સનો દંડ ફટકાર્યો છે. પાકિસ્તાન કાકલૂદી કરી રહ્યું હતું કે અમારા પર રહમ કરો, આટલો મોટો દંડ અમે ચૂકવીએ તો કોરોના સામેની હાલની લડત અમારે પડતી મૂકવી પડશે. ઓસ્ટ્રેલિયાની એક માઇનિંગ કંપનીને આપેલો કોન્ટ્રે્ક્ટ રદ કરવાના ગુના બદલ ઇન્ટરનેશનલ ટ્રીબ્યુનલે પાકિસ્તાનને આ દંડ ફટકાર્યો હતો.પાકિસ્તાનના બલુચિસ્તાન પ્રાંતમાં જુદી જુદી ખાણો આવેલી છે.. ઇમરાન ખાનની સરકાર આ ખાણોને પોતાની રાષ્ટ્રીય સંપત્તિ સમજે છે. પાકિસ્તાનની સરકારે ટેથયૉન કૉપર નામની ઓસ્ટ્રેલિયન કંપનીને આપેલો ખોદકામનો કોન્ટ્રેક્ટ પૂરતી નોટિસ કે વાજબી કારણ વિના રદ કર્યો હતો.આ કંપનીએ ઇન્ટરનેશનલ ટ્રાઇબ્યુનલ સમક્ષ રાવ કરી હતી અને ટ્રાઇબ્યુનલે પાકિસ્તાનને જવાબદાર ગણાવીને દંડ ફટકાર્યો હતો.પાકિસ્તાન અત્યારે ચારે તરફથી ઘેરાયેલું છે. ઇમરાન ખાન વડા પ્રધાન બન્યા પછી એક પછી એક એવી ઘટનાઓ બની કે પાકિસ્તાન દેવાળિયું થઇ ગયું હોવાની છાપ દુનિયા સમક્ષ પડી હતી. એમાં સાઉદી અરેબિયા જેવા મિત્ર દેશો સાથે પાકિસ્તાન સંબંધ બગાડી બેઠું છે.