ઓક્સફોર્ડે રસી ટ્રાયલ પર સારા સમાચાર આપ્યા, સીરમના સીઇઓએ કહી આ વાત

નવી દિલ્હી : આખી દુનિયા જેની રાહ જોઈ રહી છે તે કોરોના વાયરસની રસી, ઓક્સફોર્ડ યુનિવર્સિટીની રસીની અજમાયશ (ટ્રાયલ) બ્રિટનમાં વોલેન્ટિયર (સ્વયંસેવક) બીમાર થયા પછી બંધ કરવી પડી હતી. સારી વાત એ છે કે તેને ફરીથી પ્રારંભ કરવામાં આવશે. આ સંદર્ભમાં ઓક્સફોર્ડ યુનિવર્સિટીનું નિવેદન બહાર આવ્યું છે. આ પછી, સીરમ ઇન્સ્ટિટ્યૂટ ઓફ ઈન્ડિયાનું નિવેદન પણ બહાર આવ્યું છે.

હકીકતમાં, ઓક્સફર્ડ યુનિવર્સિટી દ્વારા શનિવારે જારી કરાયેલા એક નિવેદનમાં કહેવામાં આવ્યું છે કે યુકેના તમામ પરીક્ષણ કેન્દ્રોમાં ઓક્સફોર્ડ કોરોના રસીના પરીક્ષણો ફરીથી શરૂ કરવામાં આવશે. વૈશ્વિક સ્તરે આશરે 18,000 લોકોને અભ્યાસની રસી મળી છે. આવી મોટી અજમાયશમાં એવી અપેક્ષા રાખવામાં આવે છે કે કેટલાક સહભાગીઓ અસ્વસ્થ થઈ જશે. તેથી તેમની સલામતીનું કાળજીપૂર્વક મૂલ્યાંકન કરવું જોઈએ.

આ પછી, પુણે સ્થિત સીરમ ઇન્સ્ટિટ્યૂટ ઓફ ઈન્ડિયા દ્વારા એક નિવેદન પણ બહાર પાડવામાં આવ્યું છે, જે ભારતમાં ઓક્સફર્ડ રસી વિકસાવી રહી છે. એસઆઈઆઈના ચીફ એક્ઝિક્યુટિવ ઓફિસર આદર પૂનાવાલાએ શનિવારે એક ટ્વિટમાં કહ્યું હતું કે મેં પહેલેથી જ કહ્યું હતું કે ટ્રાયલ પૂર્ણ થયા પહેલા આપણે કંઈપણ તારણ કાઢવું જોઈએ નહીં. હાલની ઘટના એ વાતનું ઉદાહરણ છે. આપણે પ્રક્રિયા વિશે કોઈ ધારણા ન કરી છેલ્લા તબક્કા સુધી તેનું માન રાખવું જોઈએ. આ એક સારા સમાચાર છે.

As I’d mentioned earlier, we should not jump to conclusions until the trials are fully concluded. The recent chain of events are a clear example why we should not bias the process and should respect the process till the end. Good news, @UniofOxford. https://t.co/ThIU2ELkO3

— Adar Poonawalla (@adarpoonawalla) September 12, 2020