વલસાડ તાલુકા પંચાયત કચેરી ખાતે આજરોજ ૭૧ માં સ્વાતંત્ર પર્વની રંગેચંગે ઉજવણી કરવામાં આવી હતી. જેમાં વલસાડ તાલુકા પંચાયતના પ્રમુખ પ્રવિણભાઇ પટેલના હસ્તે ધ્વજ ફરકાવવામાં આવ્યો હતો. આ પ્રસંગે ઉપસ્થિત મહેમાનોમાં વલસાડના ધારાસભ્ય ભરતભાઇ પટેલ, તાલુકા પંચાયત પ્રમુખ પ્રવિણભાઇ પટેલ, ઉપપ્રમુખ શિવાંગીબેન પટેલ, તાલુકા વિકાસ અધિકારી સહિત મોટી સંખ્યામાં તાલુકા પંચાયતના સભ્યો અને કર્મચારીઓ ઉપસ્થિત રહ્યા હતા અને ધ્વજ વંદન કરવા આવેલા પ્રાથમિક શાળાના બાળકોને આ શુભ પ્રસંગે ઉપસ્થિત મહાનુભાવોના હસ્તે ભેટ આપવામાં આવી હતી. આ પ્રસંગે વલસાડના ધારાસભ્ય ભરતભાઇ પટેલ એ જણાવ્યું હતું કે આપણા દેશના વડાપ્રધાન નરેન્દ્ર મોદી અને ગુજરાતના મુખ્યમંત્રી વિજયભાઇ રૂપાણી દ્વારા વિકાસના કામોને યાદ કરતા જણાવ્યું હતું કે સ્વચ્છ ભારત અને સુંદર ભારત બનાવવા આપણે સંકલ્પ કરી દેશને શક્તિશાળી બનાવીએ આ તબક્કે તાલુકા પંચાયત પ્રમુખ પ્રવિણભાઇ પટેલ એ જણાવ્યું કે આજે ૭૧ માં સ્વાતંત્ર દિન નિમિત્તે તમામને સ્વાતંત્ર દિનની શુભેચ્છા પાઠવી હતી અને વલસાડ તાલુકો વિકાસના પંથે ખૂબ આગળ વધે તે માટે આપણા દેશના વડાપ્રધાન અને મુખ્યમંત્રીએ વલસાડ શહેરમાં વિકાસ કરી તે બદલ તેમનો આભાર માન્યો હતો.


Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.