વલસાડની સેન્ટ મેરીઝ ઇંગ્લિશ હાઇસ્કૂલમાં ૧૫મી ઓગસ્ટ ના રોજ ૭૧ માં સ્વાતંત્ર દિવસની ભવ્ય ઉજવણી કરવામાં આવી હતી. આ પ્રસંગે શાળાના પટાંગણમાં એસ.એસ.સી માં પ્રથમ ક્રમે પાસ થનાર વિદ્યાર્થી મીત વિજયભાઇ પટેલના હસ્તે ધ્વજ કરવામાં આવ્યો હતો. અને શાળાના આચાર્ય રોશનીબેન કાપડીયા અને હેડ બોય પ્રિયાંશ પટેલ એ પ્રાસંગી પ્રવચન કર્યું હતું આ કાર્યક્રમના મુખ્ય મહેમાન તરીકે નિર્મળ યુ. પ્રજાપતિ ઉપસ્થિત રહ્યા હતા અને આ પર્વમાં સ્કૂલના વિદ્યાર્થીઓએ ઉત્સાહ પૂર્વક ભાગ લીધો હતો અને દેશ ભક્તિના ગીત ગાઇ સમગ્ર વાતાવરણને રસપ્રદ બનાવી દીધુ હતુ. આ સાથે સ્કૂલના ઇકોકલબ ના વિદ્યાર્થીઓએ સ્કૂલના પરિસરમાં ૭૧ છોડ વાવી આ પર્વને યાદગાર બનાવ્યો હતો અને સ્કૂલના એડમીનીસ્ટ્રેટર ફાધર જાન મેથ્યુ એ પોતાના વકતવ્યમાં પ્રસંગો અનુસાર જયહિંદના નારા બોલાવી પર્વનું શાંતિપૂર્ણ માહોલમાં સંપન્ન કર્યું હતું.