ફોરેક્સ માર્કેટમાં રૂપિયાની મૂવમેન્ટના આધારે સ્થાનિક બજારોમાં ભાવ અથડાઇ રહ્યાં છે. અધિક માસના કારણે હાજરમાં ડિમાન્ડ ઠંડી છે. નવરાત્રી-દિવાળી પર સોનાની કિંમત કેવી રહે છે તેના પર ગ્રાહકોની નજર છે. ચોમાસું સારૂ થતા ગ્રામ્ય વિસ્તારની ડિમાન્ડ પર સેક્ટરનો મુખ્ય આધાર રહેલો છે. બૂલિયન એનાલિસ્ટોના મતે સોનામાં શોર્ટટર્મ ફંડામેન્ટલ મંદી તરફી બની રહ્યાં છે. સોનું 1930 ડોલરની સપાટી અંદર બંધ આવે તો 1870 ડોલર સુધી જઇ શકે જ્યારે ઉપરમાં 1970 ઉપર બંધ આવતા 2030 ડોલરની સંભાવના બને. ચાંદીમાં 27.70 ડોલરનું સપોર્ટ તેજી માટે જરૂરી છે. 26 ડોલર અંદર બંધ આવે તો નીચામાં 24.70 ડોલર સુધી પહોંચી શકે તેવી શક્યતા છે. બૂલિયન માર્કેટમાં ઘટાડાની ચાલ જોવા મળી છે. ફેડરલ રિઝર્વની બેઠકમાં વ્યાજદરમાં કોઇ ફેરફાર ન થવાના કારણે આંતરરાષ્ટ્રીય બજારમાં સોનું 25 ડોલરથી વધુ ઘટી 1935 અને ચાંદી 27 ડોલરની સપાટી અંદર 26.50 ડોલર ક્વોટ થવા લાગી છે. જ્યારે ફોરેક્સ માર્કેટમાં ડોલર સામે રૂપિયો 7 પૈસા મજબૂત બની 73.38 બંઘ રહેતા અમદાવાદ ખાતે સોનું 400ના ઘટાડા સાથે રૂ.53100 અને ચાંદીમાં 1500નો ઘટાડો થઇ 64000ની સપાટી અંદર ક્વોટ થવા લાગી છે. સોના ચાંદીમાં હાલ તેજીના સંકેતો સાંપડતા નથી.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.