નવી દિલ્હી : દેશની સૌથી મોટી ટુ-વ્હીલર કંપની હીરો મોટોકોર્પએ તેની બાઇકની કિંમતમાં વધારો કર્યો છે. સમાચારો અનુસાર બાઇકની આ કિંમતમાં ખર્ચ વધારાને કારણે વધારો કરવામાં આવ્યો છે. કંપનીએ જણાવ્યું હતું કે વાહનોમાં 2 ટકાનો વધારો કરવામાં આવ્યો છે. નવી કિંમત 1 ઓક્ટોબરથી લાગુ કરવામાં આવી છે, અને આ કિંમતોમાં વધારો બાઇક અને સ્કૂટરના મોડેલના આધારે બદલાશે.
હીરો મોટોકોર્પએ એક નિવેદનમાં તેના ત્રિમાસિક અને માસિક વેચાણના આંકડા જાહેર કર્યા છે. સપ્ટેમ્બરમાં કંપનીનું કુલ વેચાણ 16.9 ટકા વધીને 7,15,718 વાહનો પર પહોંચ્યું છે. ગયા વર્ષે હિરોએ સમાન મહિનામાં 6,12,204 વાહનોનું વેચાણ કર્યું હતું.
હિરો મોટો કોર્પે કહ્યું કે ભાગોની સપ્લાય અને લોજિસ્ટિક અવરોધો હોવા છતાં, જુલાઇ-સપ્ટેમ્બરમાં તેનું વેચાણ 7.3 ટકા વધીને 18,14,683 વાહનો પર પહોંચ્યું છે. જ્યારે 2019-20ના બીજા ક્વાર્ટરમાં કંપનીએ 16,91,420 વાહનોનું વેચાણ કર્યું હતું.
બજારમાં પ્રતિક્રિયા
તે જ સમયે, કોરોના સમયગાળા પછી, બજાર ફરી જોવા મળી રહ્યું છે. એક નિવેદનમાં જણાવ્યા અનુસાર, કંપનીના પ્લાન્ટ હવે 100 ટકા ઉત્પાદન ક્ષમતા સાથે કામ કરી રહ્યા છે. ગ્રાહકોની ખરીદીની ધારણા અને સરકારની નીતિ સમર્થનને કારણે કંપની ઓક્ટોબર અને નવેમ્બરમાં તહેવારોની સીઝનમાં માંગમાં વધારો થવાની આશા રાખે છે.