પાકિસ્તાનના ભૂતપૂર્વ ક્રિકેટર શાહિદ આફ્રિદી સોમવારે શ્રીલંકાની ફ્લાઇટ ચૂકી ગયા હતા. પરિણામે તે શ્રીલંકા પ્રીમિયર લીગમાં પોતાની ફ્રેન્ચાઇઝી ગૌલ ગ્લેડિયેટર્સની પ્રથમ બે મેચ માટે ઉપલબ્ધ રહેશે. તેમણે પોતે ટ્વીટ કરીને આ વિશે જાણકારી આપી હતી. આને કારણે ટૂર્નામેન્ટના આયોજકોની મુશ્કેલીઓ વધી ગઈ છે, કારણ કે ઘણા ખેલાડીઓએ ટૂર્નામેન્ટમાંથી પોતાનું નામ પાછું ખેંચી લીધું છે. આફ્રિદીએ ટ્વીટ કર્યું હતું કે,’આજે સવારે કોલંબો ની મારી ફ્લાઇટ ચૂકી ગઈ હતી. કોઈ ચિંતા નથી, હું ટૂંક સમયમાં ગાલ ગ્લેડિયેટર્સ માટે એલપીએલમાં ભાગ લેવા આવીશ. હું મિત્રો સાથે જોડાવા તૈયાર છું. ‘
કેન્ડી ટસ્કર્સ અને કોલંબો કિંગ્સ વચ્ચે ટૂર્નામેન્ટની પ્રથમ મેચના એક દિવસ બાદ, ગેલ ગ્લેડિયેટર્સ 27 નવેમ્બરે જાફના સ્ટાલિયન્સ સામે પોતાની પ્રથમ મેચ રમશે. ગ્લેડિયેટર્સ અનુક્રમે 28 અને 30 નવેમ્બરે તેમની બીજી અને ત્રીજી મેચ રમશે. શ્રીલંકાના પેસર લસિથ મલિંગા અને પાકિસ્તાનના વિકેટકીપર-બેટ્સમેન સરફરાઝ અહમદને ઉપલબ્ધ ન થયા બાદ આફ્રિદીને ગેલ ગ્લેડિયેટર્સનો કેપ્ટન બનાવવામાં આવ્યો હતો. આફ્રિદીની ગેરહાજરીમાં વાઇસ કેપ્ટન ભાનુકા રાજપક્ષા પ્રથમ કેટલીક મેચોમાં ગ્લેડિયેટર્સનું નેતૃત્વ કરી શકે છે.
આફ્રિદી પીએસએલમાં રમ્યો
40 વર્ષીય આફ્રિદી આ મહિનાની શરૂઆતમાં પાકિસ્તાન સુપર લીગના પ્લે ઓફમાં રમ્યો હતો. આ દરમિયાન તેણે મુલ્તાન સુલતાન્સ તરફથી બે મેચમાં ત્રણ વિકેટ ઝડપી હતી. શ્રીલંકા પહોંચ્યા બાદ આફ્રિદીને ત્રણ દિવસ સુધી ક્વોરેન્ટાઇન રહેવું પડશે. ત્યારબાદ તે ટૂર્નામેન્ટના બાયો-બબલમાં પ્રવેશ કરશે. એલપીએલનું ઉદઘાટન સત્ર આ અઠવાડિયે શરૂ થશે. ક્રિસ ગેઇલ, લસિથ મલિંગા અને લિયામ પ્લુમાકેટ જેવા ખેલાડીઓએ ટૂર્નામેન્ટમાંથી પોતાનું નામ પાછું ખેંચી લીધું છે. આ ટૂર્નામેન્ટમાં ટીમો, કોલંબો, કેન્ડી, ગેલ, દામ્બુલા અને જાફના હશે. આ સ્પર્ધા દરમિયાન 23 મેચ રમાશે. ચાર ભારતીય ખેલાડીઓ એલપીએલમાં રમશે. આ ખેલાડીઓમાં ભૂતપૂર્વ ઓલરાઉન્ડર ઇરફાન પઠાણ, મુનાફ પટેલ, સુદીપ ત્યાગી અને મનપ્રીત સિંહ ગોનીનો સમાવેશ થાય છે.
