ઇમરાન હાશ્મીને પિતા કેહનાર વિદ્યાર્થીને એક્ટરે આપ્યો જવાબ, જાણો શું કહ્યું

મુંબઈ : બિહારના મુઝફ્ફરપુરથી એક કિસ્સો બહાર આવ્યો છે જેમાં બી.એ.ના બીજા વર્ષના વિદ્યાર્થીએ પ્રવેશ કાર્ડમાં ઈમરાન હાશ્મીને તેના પિતા અને સની લિયોનીને તેની માતા તરીકે નામ આપ્યું છે. સોશિયલ મીડિયા પર તસવીર મળ્યા પછી આ સમાચાર વાયરલ થયા હતા અને હવે ઈમરાન હાશ્મીએ આ સમાચાર પર પોતાની પ્રતિક્રિયા આપી છે.

આ સમાચારની લિંક શેર કરતા ઇમરાન હાશ્મીએ લખ્યું, “તે મારું બાળક નથી, હું કસમ ખાઉં છું.” આ સમાચાર પર ઇમરાન હાશ્મીએ પ્રતિક્રિયા આપ્યા બાદ ચાહકો પણ ક્રેઝી ટિપ્પણીઓ કરતા જોવા મળ્યા હતા. એક વપરાશકર્તાએ કમેન્ટ બોક્સમાં લખ્યું, “આ ઘણું વધારે છે. હું દાવા સાથે કહી શકું છું કે હવે ઘણા લોકો તમને તેમનાં માતા-પિતા કહેશે પબ્લિસિટી માટે.”

I swear he ain’t mine 🙋🏼‍♂️ https://t.co/ARpJfqZGLT

— Emraan Hashmi (@emraanhashmi) December 9, 2020

This is too much 😂 I’m sure now a lot of people are gonna name you their parent 🤣 Just for publicity

— A D E E M 👑 (@adeemd) December 9, 2020

આખો મામલો શું છે?

મુઝફ્ફરપુરની બાબાસાહેબ ભીમરાવ આંબેડકર બિહાર યુનિવર્સિટીના અંડરગ્રેજ્યુએટ ભાગ -2 ના વિદ્યાર્થીએ એવી શરારત કરી કે તે ચર્ચાસ્પદ બની. પાર્ટ-ટુની પરીક્ષા માટે ભરવામાં આવતા ફોર્મમાં તેણે અભિનેતા ઇમરાન હાશ્મીનું નામ કોલમમાં તેના પિતા અને માતાના નામની કોલમમાં સની લિયોનીનું નામ લખ્યું હતું. વળી, વિદ્યાર્થીએ તેના સરનામાંની જગ્યાએ ચતુર્ભુજ લખ્યું હતું. જે શહેરનો રેડલાઇટ વિસ્તાર છે.

ઇમરાન હાશ્મીના પ્રતિસાદ બાદ ચાહકો હવે આ મામલે સની લિયોનીના પ્રતિસાદની રાહ જોઈ રહ્યા છે. ઇમરાન પછી સની લિયોની પણ આ મામલે પ્રતિક્રિયા આપશે કે કેમ તે જોવું રહ્યું. વર્ક ફ્રન્ટ વિશે વાત કરવામાં આવે તો ઇમરાન ટૂંક સમયમાં મુંબઈ સાગા, ફેસિસ, ઇરા અને ગંગુબાઈ કાઠિયાવાડી ફિલ્મોમાં કામ કરતો જોવા મળશે.