જીએસટી દિવાળી ભેંટ : જ્વેલર્સ, નિકાસકાર, વેપારીને મોટી રાહત

૨૭ વસ્તુ પર જીએસટી રેટ ઘટાડવાનો કાઉન્સિલમાં નિર્ણયઃ દરેક નિકાસકાર માટે ઇ-વોલેટ બનશે : ટ્રેડર્સ, મેન્યુફેક્ચર્સ, રેસ્ટોરન્ટને કમ્પોઝિશન સ્કીમ હેઠળ એક, બે અને પાંચ ટકા ટેક્સ : જેટલીની જાહેરાતો

 જીએસટી:  હાઈલાઇટ્સ

      ૨૭ વસ્તુ પર જીએસટી રેટ ઘટાડી દેવામાં આવ્યો

      અનબ્રાન્ડેડ આયુર્વેદિક દવાઓ ઉપર જીએસટી ૧૨ ટકાથી ઘટાડીને પાંચ ટકા કરાયો

      લોકો દ્વારા બનાવવામાં આવતા યાર્ન માટે ટેક્સરેટ ૧૮ ટકાથી ઘટાડીને ૧૨ ટકા કરાયો

      મિડિયમ અને નાના કરદાતાઓના બોજને ઘટાડવામાં આવ્યો

      જુલાઈ નિકાસ માટે રિફંડ ચેક ૧૦મી ઓક્ટોબર અને ઓગસ્ટ નિકાસ માટે રિફંડ ચેક ૧૮મી ઓક્ટોબર સુધી અપાશે

      દોઢ કરોડ સુધીના ટર્નઓવરવાળા કારોબારીઓને દર મહિને રિટર્ન દાખલ કરવાથી છુટછાટ

      આવા કારોબારી ત્રણ મહિનામાં રિટર્ન દાખલ કરી શકશે

      કમ્પોઝિશન સ્કીમ હેઠળ ૭૫ લાખ ટર્ન ઓવરની મર્યાદાને વધારીને એક કરોડ કરાઈ

      કારોબારી ત્રણ મહિનામાં કુલ વેચાણના એક ટકા ટેક્સ જમા કરીને વિગત આપી શકશે

      કમ્પાઉન્ડિંગ ડિલરોને બીજા રાજ્યોમાં ચીજવસ્તુ વેચવાના અધિકાર અને ઇનપુટ સબસિડીના લાભ આપવા પાંચ સભ્યોના ગ્રુપની રચના

      રિવર્સ ચાર્જની વ્યવસ્થા આગામી વર્ષે ૩૧મી માર્ચ સુધી મોકુફ

      જેમ્સ એન્ડ જ્વેલરી અને હાઈવેલ્યુ ચીજવસ્તુમાં રહેલી કંપનીઓ જે બે કરોડથી વધુનું ટર્નઓવર ધરાવે છે તેમને મની લોન્ડરિંગ એક્ટની સમીક્ષાથી બહાર રખાઈ

      ૫૦૦૦૦થી ઉપરની કિંમતની જ્વેલરીની ખરીદી કરનાર વ્યક્તિને પેનકાર્ડ અને આધારની વિગત આપવાની જરૃર નથી

      દરેક નિકસકાર માટે પહેલી એપ્રિલ સુધી ઇ-વોલેટની રચના કરાશે