નવી દિલ્હી : આપણને બધાને આઈસ્ક્રીમ ખાવાનો શોખ હોય છે, પરંતુ કેટલાક લોકો શોખ પૂરો કરવાના પ્રયાસમાં હદ બહાર જાય છે. આવો જ વિચિત્ર કિસ્સો કેનેડામાં જોવા મળ્યો હતો. નાના શહેરની વચ્ચે, પાયલોટે આઈસ્ક્રીમ ખાવા માટે હેલિકોપ્ટરનું ઈમરજન્સી લેન્ડિંગ કર્યું. પરંતુ, તેને પોતાનો શોખ પૂરો કરવો ભારે પડ્યો. પોલીસે પાયલોટ વિરુદ્ધ ગેરકાયદે ઉતરાણ માટે કેસ નોંધ્યો છે.
પાયલટને આઈસ્ક્રીમનો શોખ પૂરો કરવો ભારે પડ્યો
31 જુલાઇના રોજ, ટિસડેલના રહેવાસીઓએ શહેરની એકમાત્ર ડેરી ક્વીન પાસે પાર્કિંગ વિસ્તારમાં લાલ હેલિકોપ્ટર ઉતરતા જોયું, તે ઉતરતા જ ધૂળ અને કાટમાળના વાદળ છવાઈ ગયા. શરૂઆતમાં, કેટલાક લોકોએ ભૂલથી તેને એર એમ્બ્યુલન્સ સમજ્યું, કારણ કે તેનો રંગ તબીબી કટોકટી માટે ઉપયોગમાં લેવાતા પ્રાંતીય એર એમ્બ્યુલન્સ જેવો હતો. જ્યારે સ્થળ પર હાજર ટિસડેલના મેયરે લાલ રંગનું હેલિકોપ્ટર જોયું ત્યારે તેઓ સમજી ગયા કે તે એર એમ્બ્યુલન્સ છે. સત્તાવાળાઓએ જાહેર કરેલા ફોટામાં પાર્કિંગ એરિયાની વચ્ચે લાલ રંગનું હેલીકૉપટર જોઈ શકાય છે. ડેરી ક્વીનની ઓળખ ડાબી બાજુ દેખાય છે. પાયલોટનું આ અનોખું પરાક્રમ સોશિયલ મીડિયા પર હેડલાઇન્સ બનાવી રહ્યું છે.
The greatest RCMP press release I will ever receive:
"Investigation determined the landing was not an emergency: a passenger of the helicopter exited the aircraft and entered a nearby restaurant to buy an ice cream cake."
Photo: Sask RCMP #Sask pic.twitter.com/72qMuxOwkF
— Nathaniel Dove (@NathanielDove_) August 11, 2021
હેલિકોપ્ટરના ગેરકાયદે ઉતરાણ પર લેવાયા કાયદાકીય પગલાં
અમેરિકન ફાસ્ટ-ફૂડ રેસ્ટોરન્ટ ડેરી ક્વીનની કેનેડામાં શાખા છે. હેલિકોપ્ટરમાંથી ઉતર્યા બાદ પેસેન્જર ડેરી ક્વીનમાં દાખલ થયો. પરંતુ જ્યારે મેયરે પેસેન્જરને આઈસ્ક્રીમ કેક સાથે રેસ્ટોરન્ટમાંથી બહાર નીકળતો જોયો ત્યારે તેણે ઓળખી લીધું કે પ્લેનનું મિશન કંઈક અલગ છે. તેણે સીબીસી ન્યૂઝ પર કટાક્ષ કર્યો અને કહ્યું કે પાયલોટ ભૂખ્યો હોવો જોઈએ. બાદમાં પાયલોટની ઓળખ 34 વર્ષીય લિરોય તરીકે થઈ હતી. તેની પાસે ઉડાનનું લાયસન્સ હતું, પરંતુ અધિકારીઓના જણાવ્યા મુજબ, તપાસમાં જાણવા મળ્યું કે ઉતરાણ કટોકટી (લેન્ડિંગ ઇમર્જન્સી)નું નહોતું. હવે, આરોપી પાયલોટે 7 સપ્ટેમ્બરે મેલફોર્ટની કોર્ટમાં હાજર રહેવું પડશે.