માત્ર ધોરણ 12 પાસથી લઈને પોસ્ટ ગ્રેજ્યુએટ સુધીના ઉમેદવારો માટે CPCBમાં મોટી તક!
કેન્દ્રીય પ્રદૂષણ નિયંત્રણ બોર્ડ (CPCB) એ દેશભરના લાયક ઉમેદવારો માટે એક મહાન તકની જાહેરાત કરી છે. પર્યાવરણીય નિયમનને મજબૂત બનાવવાના ઉદ્દેશ્ય સાથે, રાષ્ટ્રીય સ્વચ્છ ગંગા મિશન (નમામી ગંગે કાર્યક્રમ) હેઠળ વિવિધ શ્રેણીઓમાં કુલ 51 કરાર આધારિત જગ્યાઓ ભરવામાં આવશે.
આ પ્રોજેક્ટ ‘સ્ટ્રેન્થનિંગ ઓફ એનવાયર્નમેન્ટલ રેગ્યુલેટર્સ (SER)- ફેઝ-3 પ્રોજેક્ટ ઓન રિવર ગંગા’ હેઠળ સંચાલિત થઈ રહ્યો છે. જો તમે પર્યાવરણ વિજ્ઞાન, સાયન્સ કે મેનેજમેન્ટ ક્ષેત્રે કારકિર્દી બનાવવા ઈચ્છતા હો, તો આ સમાચાર તમારા માટે ખૂબ જ ઉપયોગી છે. આવો જાણીએ આ ભરતી વિશેની સંપૂર્ણ વિગતો.
મહત્વની તારીખો
ઓનલાઈન અરજી શરૂ થવાની તારીખ: 24 ઓગસ્ટ 2026 (સવારે 10:00 વાગ્યાથી)
ઓનલાઈન અરજી કરવાની છેલ્લી તારીખ: 7 સપ્ટેમ્બર 2026 (રાત્રે 11:59 વાગ્યા સુધી)
કુલ 51 જગ્યાઓની વિગત
આ અભિયાન હેઠળ અલગ-અલગ શૈક્ષણિક લાયકાત ધરાવતી ઘણી જગ્યાઓ ભરવાની છે. જગ્યાઓની વિગત નીચે મુજબ છે:
સાયન્સ અને રિસર્ચ પદો:
સાયન્ટિસ્ટ ડી: 1 જગ્યા
સાયન્ટિસ્ટ સી: 8 જગ્યાઓ
સાયન્ટિસ્ટ બી: 12 જગ્યાઓ
સાયન્ટિફિક આસિસ્ટન્ટ: 13 જગ્યાઓ
ટેક્સોનોમિસ્ટ: 1 જગ્યા
ફિલ્ડ આસિસ્ટન્ટ: 8 જગ્યાઓ
વહીવટી અને અન્ય પદો:
આસિસ્ટન્ટ મેનેજર (ફાઈનાન્સ): 3 જગ્યાઓ
એડમિનિસ્ટ્રેટિવ આસિસ્ટન્ટ: 1 જગ્યા
ડેટા એન્ટ્રી ઓપરેટર (DEO): 4 જગ્યાઓ
પદ મુજબ લાયકાત અને વય મર્યાદા
દરેક પદ માટે લાયકાત અને મહત્તમ વય મર્યાદા અલગ-અલગ નક્કી કરવામાં આવી છે:
સાયન્ટિસ્ટ (D, C, B): પર્યાવરણ વિજ્ઞાન, પ્રાકૃતિક વિજ્ઞાન અથવા સંબંધિત એન્જિનિયરિંગમાં ડિગ્રી. કેટલાક પદો માટે નેટ (NET) / ગેટ (GATE) સ્કોર અને કાર્ય અનુભવ હોવો અનિવાર્ય છે. મહત્તમ વય સાયન્ટિસ્ટ ડી માટે 50 વર્ષ, સી માટે 45 વર્ષ અને બી માટે 35 વર્ષ છે.
આસિસ્ટન્ટ મેનેજર (ફાઈનાન્સ): કોમર્સમાં માસ્ટર ડિગ્રી, સીએ (CA) અથવા એમબીએ (MBA). મહત્તમ વય 35 વર્ષ.
ટેક્સોનોમિસ્ટ: પ્રથમ શ્રેણીમાં એમએસસી (MSc). મહત્તમ વય 35 વર્ષ.
સાયન્ટિફિક આસિસ્ટન્ટ અને એડમિનિસ્ટ્રેટિવ આસિસ્ટન્ટ: સંબંધિત ક્ષેત્રમાં સ્નાતક ડિગ્રી અને કમ્પ્યુટરનું જ્ઞાન. મહત્તમ વય 35 વર્ષ.
ડેટા એન્ટ્રી ઓપરેટર (DEO): સાયન્સ પ્રવાહમાંથી પ્રથમ શ્રેણીમાં બીએસસી (BSc) અને ટાઈપિંગ/કમ્પ્યુટર કુશળતા. મહત્તમ વય 32 વર્ષ.
ફિલ્ડ આસિસ્ટન્ટ: ઓછામાં ઓછા 55% ગુણ સાથે સાયન્સ વિષયમાં 12મું પાસ. મહત્તમ વય 27 વર્ષ.
(નોંધ: આરક્ષિત વર્ગના ઉમેદવારોને નિયમાનુસાર વય મર્યાદામાં છૂટછાટ આપવામાં આવશે.)
આકર્ષક માસિક પગાર (સેલેરી)
આકર્ષક માસિક પગાર (સેલેરી)આ ભરતીમાં પસંદ થનાર ઉમેદવારોને તેમના પદના આધારે ઉત્તમ માસિક વેતન આપવામાં આવશે:
સાયન્ટિસ્ટ ડી: 1,71,597 રૂપિયા પ્રતિ માસ
સાયન્ટિસ્ટ સી: 1,48,997 રૂપિયા પ્રતિ માસ
સાયન્ટિસ્ટ બી: 1,25,380 રૂપિયા પ્રતિ માસ
આસિસ્ટન્ટ મેનેજર: 1,19,272 રૂપિયા પ્રતિ માસ
સાયન્ટિફિક / એડમિનિસ્ટ્રેટિવ આસિસ્ટન્ટ: 77,654 રૂપિયા પ્રતિ માસ
ટેક્સોનોમિસ્ટ: 65,031 રૂપિયા પ્રતિ માસ
ડેટા એન્ટ્રી ઓપરેટર: 57,498 રૂપિયા પ્રતિ માસ
ફિલ્ડ આસિસ્ટન્ટ: 38,741 રૂપિયા પ્રતિ માસ
પસંદગી પ્રક્રિયા અને અરજી કરવાની રીત
આ ભરતી પ્રક્રિયામાં સૌથી પહેલા પ્રાપ્ત થયેલ ઓનલાઈન અરજીઓની સ્ક્રીનીંગ કરવામાં આવશે. ત્યારબાદ ઉમેદવારોની લાયકાત અને અનુભવના આધારે તેમને શોર્ટલિસ્ટ કરવામાં આવશે. શોર્ટલિસ્ટ થયેલ ઉમેદવારોને ઇન્ટરવ્યુ માટે બોલાવવામાં આવશે અને અંતે ડોક્યુમેન્ટ વેરિફિકેશન પછી ફાઈનલ મેરિટ લિસ્ટ તૈયાર થશે.
આ રીતે કરો ઓનલાઈન અરજી:
સૌથી પહેલા CPCB ની સત્તાવાર વેબસાઈટ https://www.cpcb.gov.in/ પર જાઓ.
હોમપેજ પર આપેલ ‘Jobs’ અથવા ‘Recruitment’ સેક્શન પર ક્લિક કરો.
CPCB ભરતી 2026 ના નોટિફિકેશન લિંક પર ક્લિક કરીને સૂચનાઓ ધ્યાનથી વાંચો.
ત્યારબાદ રજીસ્ટ્રેશન પ્રક્રિયા પૂર્ણ કરો અને લોગઈન કરીને તમારી અંગત તથા શૈક્ષણિક વિગતો ભરો.
માંગવામાં આવેલ જરૂરી દસ્તાવેજો (ડોક્યુમેન્ટ્સ) યોગ્ય કાનૂની સાઈઝમાં સ્કેન કરીને અપલોડ કરો.
અંતે તમારા ફોર્મની ફરીથી ચકાસણી કરીને તેને સબમિટ કરી દો અને આગળના સંદર્ભ માટે કન્ફર્મેશન પેજની પ્રિન્ટઆઉટ અથવા પીડીએફ ડાઉનલોડ કરી લો.
