કાશ્મીર- આઈજીપી કાશ્મીરે કહ્યું – રાત્રે 10 વાગ્યાથી વોઈસ કોલ અને બ્રોડબેન્ડ સુવિધા ફરી શરૂ થશે
અલગતાવાદી હુર્રિયત નેતા સૈયદ અલી શાહ ગિલાનીના મોત બાદ કાશ્મીર ખીણમાં ચુસ્ત પ્રતિબંધો લાગુ કરવામાં આવ્યા છે. સાથે જ આઈજીપી કાશ્મીરે કહ્યું કે કાશ્મીરમાં પરિસ્થિતિ શાંતિપૂર્ણ અને નિયંત્રણમાં છે. તેમણે કાયદો અને વ્યવસ્થા જાળવવામાં સહકાર આપવા બદલ લોકોનો આભાર માન્યો. તેમણે કહ્યું કે, શુક્રવારે રાત્રે 10 વાગ્યાથી તમામ ટીએસપીની મોબાઈલ સેવા (વોઈસ કોલ) અને બ્રોડબેન્ડ ફરી શરૂ થશે.
જણાવી દઈએ કે ગિલાનીના મૃત્યુ પછી, આગામી આદેશો સુધી સાવચેતીના પગલા તરીકે જમ્મુ-શ્રીનગર નેશનલ હાઈવે પર ટ્રાફિક બંધ કરી દેવામાં આવ્યો છે. હાઇવે પર વાહનોની કતારો લાગી છે. વહીવટીતંત્ર દ્વારા લાદવામાં આવેલા પ્રતિબંધને જોતા બુધવાર રાતથી જ ટ્રાફિક પોલીસ તૈનાત કરી દેવામાં આવી હતી અને ખીણમાં જતા વાહનોને રોકવાનું શરૂ કર્યું હતું.
આ વલણ શુક્રવારે પણ ચાલુ છે. ટ્રાફિક પોલીસ તરફથી જાહેરાત કરીને વાહનચાલકોને પણ જાણ કરવામાં આવી રહી છે. શુક્રવારે બારામુલ્લા જિલ્લામાં સુરક્ષા સમીક્ષા બેઠક બાદ જમ્મુ -કાશ્મીરના ડીજીપી દિલબાગ સિંહે કહ્યું કે અમે ટૂંક સમયમાં સમીક્ષા કરીશું, ત્યારબાદ ઇન્ટરનેટ સેવા પરનો પ્રતિબંધ હટાવી લેવામાં આવશે.
